Author: Updates
സുല്‍ത്താന്‍ ബത്തേരി: അഖില സേവക് സമാജ് കൗണ്‍സില്‍ (എഎസ്എസ് സി) സ്ഥാപകനും സുല്‍ത്താന്‍ ബത്തേരി സ്വദേശിയുമായ ഡോ. ഭാര്‍ഗവ് മല്ലപ്പ രചിച്ച ‘ദി മോദി ഇറ: ഇന്‍ഡ്യാസ് ജേര്‍ണി ഓഫ് ട്രാന്‍സ്ഫര്‍മേഷന്‍’എന്ന പുസ്തകം പ്രകാശനം ചെയ്തു. പ്രധാനമന്ത്രി ശ്രീ നരേന്ദ്ര മോദിജിയുടെ ജന്മദിന വാരാഘോഷങ്ങളുടെ ഭാഗമായാണ് ചടങ്ങ് സംഘടിപ്പിച്ചത്. സുല്‍ത്താന്‍ ബത്തേരി എടത്തറ ഓഡിറ്റോറിയത്തില്‍ നടന്ന ചടങ്ങില്‍ മധുര അദീനം ശ്രീമത് വിശ്വലിംഗ തമ്പിരാന്‍, തിരു രാജശേഖര്‍ സ്വാമികള്‍, തവത്തിരു പളനി അടിഗളാര്‍, മഹാ ശ്രീ ശ്രീ യുക്തേശ്വര പരമഹംസ സ്വാമികള്‍, ലോക്സഭാ എം.പി. ശ്രീ കരണ്‍ ഭൂഷണ്‍ സിംഗ്, മൈസൂരു കൃഷ്ണരാജ മണ്ഡലം എം.എല്‍.എ. ശ്രീ ടി. എസ്. ശ്രീവത്സ, ഉത്തര്‍പ്രദേശ് സംസ്ഥാന പിന്നാക്ക വിഭാഗ കമ്മീഷന്‍ അംഗം ശ്രീ സത്യേന്ദ്ര കുമാര്‍ ബാരി, ബി.ജെ.പി. വയനാട് ജില്ലാ പ്രസിഡന്റ് പ്രശാന്ത് മലവയല്‍, ഡോ. സുബ്ബ സോമു, ശ്രീ ചന്ദന്‍ കുമാര്‍, ഡോ. മഹാലക്ഷ്മി, കലീം ഭാരതി എന്നിവരുള്‍പ്പെടെയുള്ള ആത്മീയ…
ഓണാഘോഷങ്ങളോടൊപ്പം മലയാളികളുടെ മനസ്സിൽ പതിഞ്ഞ മാവേലിയുടെ കുടവയറിന് പുതിയൊരു ട്വിസ്റ്റുമായി ആശീര്‍വാദ് ആട്ട. ഏറ്റവും പുതിയ ഡിജിറ്റൽ വീഡിയോ ക്യാംപയിനിലൂടെ ‘ഫിറ്റ് മാവേലി’യെ അവതരിപ്പിച്ചാണ് ആശീര്‍വാദ് ദൈനംദിന ജീവിതത്തിലെ സമീകൃത ഭക്ഷണത്തിന്റെയും വ്യായാമത്തിന്റെയും പ്രാധാന്യം രസകരമായി പങ്കുവയ്ക്കുന്നത്. പൊതുവേ തടിച്ച, പ്രസന്നനായ രാജാവായാണ് മാവേലിയെ ചിത്രീകരിക്കാറുള്ളത്. എന്നാൽ പുതിയ ചിത്രത്തിൽ ഫിറ്റായ മാവേലി കുട്ടികൾക്ക് ഭക്ഷണക്രമവും വ്യായാമവും സംബന്ധിച്ച സന്ദേശം നൽകുന്നു. ഓണസദ്യയുടെ ആഘോഷവും രുചിയും ഒഴിവാക്കണമെന്നല്ല, മറിച്ച് ദൈനംദിന ജീവിതത്തിൽ ആരോഗ്യകരമായ ശീലങ്ങളും ആഘോഷവേളകളിലെ ഭക്ഷണവും ഒരുമിച്ച് കൊണ്ടുപോകാമെന്ന ആശയമാണ് ക്യാംപയിൻ മുന്നോട്ടുവയ്ക്കുന്നത്. ക്യാംപയിനെക്കുറിച്ച് ഐടിസി ലിമിറ്റഡ് ഫുഡ്സ് ഡിവിഷൻ സ്റ്റേപ്പിൾസ് ബിസിനസ് യൂണിറ്റ് ചീഫ് എക്സിക്യൂട്ടീവ് അനൂജ് റുസ്തഗി പറഞ്ഞു: “കേരളത്തിന്റെ സംസ്കാരത്തിൽ ആഴത്തിൽ വേരൂന്നിയ ഓണത്തിലെ ഏറ്റവും പ്രിയപ്പെട്ട പ്രതീകങ്ങളിലൊന്നാണ് മാവേലി. ‘ഫിറ്റ് മാവേലി’യിലൂടെ ഈ പരിചിത കഥാപാത്രത്തിന് രസകരമായൊരു സമകാലിക മുഖം നൽകാനാണ് ശ്രമിച്ചത്. കേരളത്തിലെ കൂടുതൽ വീടുകളിൽ ആട്ടയും ചപ്പാത്തിയും ദൈനംദിന ഭക്ഷണത്തിന്റെ ഭാഗമാകുന്ന…
തിരുവനന്തപുരം: ഒരു നൂറ്റാണ്ടിലേറെ ചരിത്രമുള്ള പ്രമുഖ ഗൃഹോപകരണ ബ്രാന്‍ഡായ കെന്‍വിനേറ്റര്‍ ഓണം പ്രമാണിച്ച് തിരുവനന്തപുരം എം.ജി റോഡില്‍ 3ഡി അനാമോര്‍ഫിക് ദൃശ്യവിരുന്നൊരുക്കി. എം.ജി റോഡില്‍ സ്ഥാപിച്ചിട്ടുള്ള കെല്‍വിനേറ്ററിന്റെ പുതിയ 3ഡി അനാമോര്‍ഫിക് ബില്‍ബോര്‍ഡിലൂടെ കേരളത്തനിമയും പാരമ്പര്യവും പുനരാവിഷ്‌കരിക്കുന്ന നിറക്കാഴ്ച്ചകളുടെ പശ്ചാത്തലത്തില്‍ കെല്‍വിനേറ്ററിന്റെ റഫ്രിജറേറ്ററുകള്‍, എയര്‍ കണ്ടീഷണറുകള്‍, വാഷിംഗ് മെഷീനുകള്‍ എന്നിവയുടെ ദൃശ്യാവിഷ്‌ക്കാരം 3ഡി ഇഫക്ടില്‍ കാണാം. പരമ്പരാഗത വള്ളംകളിയുടെ ദൃശ്യത്തോടെ ആരംഭിക്കുന്ന വീഡിയോയില്‍ വെള്ളത്തുള്ളികള്‍ സ്‌ക്രീനില്‍ നിന്ന് പുറത്തേക്ക് തെറിക്കുന്ന അനുഭവമുണ്ടാകും. മുന്നോട്ട് നീങ്ങുന്ന വള്ളത്തില്‍ പിന്നീട് കെല്‍വിനേറ്റര്‍ റഫ്രിജറേറ്ററും എയര്‍ കണ്ടീഷണറും വാഷിംഗ് മെഷീനുമുള്‍പ്പെടുന്ന ഉള്‍പ്പെടെ കെല്‍വിനേറ്ററിന്റെ മുഴുവന്‍ ഉല്‍പ്പന്നനിരയും ഓണം ഓഫറും ബ്രാന്‍ഡ് സന്ദേശവും ഒരുമിച്ച് പ്രത്യക്ഷപ്പെടും. ഓണാഘോഷങ്ങളുടെ ഭാഗമായി, തിരഞ്ഞെടുത്ത റഫ്രിജറേറ്ററുകള്‍, എയര്‍ കണ്ടീഷണറുകള്‍, വാഷിംഗ് മെഷീനുകള്‍ എന്നിവയ്ക്ക് 7,500 രൂപ വരെ ഉറപ്പായ ക്യാഷ്ബാക്ക് ഓഫറുകളും കെല്‍വിനേറ്റര്‍ പ്രഖ്യാപിച്ചിട്ടുണ്ട്.
കേരളത്തിന്റെ ടൂറിസം സാധ്യതകള്‍ ലോകത്തിന് മുന്നില്‍ അവതരിപ്പിക്കുന്ന ഹ്രസ്വ അക വീഡിയോ സമൂഹമാധ്യമങ്ങളില്‍ വൈറലാകുന്നു.’ഗഘ കിനാവ്’ എന്ന് പേരിട്ടിരിക്കുന്ന ഈ വീഡിയോയില്‍, അന്യഗ്രഹത്തില്‍ നിന്നുള്ള ഒരു കുടുംബം കേരളത്തിന്റെ സൗന്ദര്യത്തില്‍ ആകൃഷ്ടരായി ഇവിടേക്ക് അവധിക്കാലം ആഘോഷിക്കാന്‍ വരുന്നതാണ് പ്രമേയം. കേരളത്തില്‍ നിന്നുള്ള ഒരു സിഗ്നല്‍ ലഭിക്കുന്നതോടെയാണ് അന്യഗ്രഹ ജീവികള്‍ കേരളത്തെക്കുറിച്ച് അറിയുന്നത്. തുടര്‍ന്ന് വെക്കേഷന്‍ ആഘോഷിക്കുന്നതിനായി കേരളത്തിലേക്ക് എത്തിച്ചേരുകയാണ് ചെയ്യുന്നത്. കേരളത്തിലെ ഒരു ഗൈഡിന്റെ സഹായത്തോടെ അവര്‍ കെ.എസ്.ആര്‍.ടി.സി ബസ്സില്‍ യാത്ര ചെയ്യാനും പത്മനാഭസ്വാമി ക്ഷേത്രം സന്ദര്‍ശിക്കാനും മൂന്നാറിലെ മലനിരകളുടെ സൗന്ദര്യമാസ്വദിക്കാനും കുട്ടനാട്ടിലെ ഹൗസ്‌ബോട്ടില്‍ കറങ്ങാനുമെല്ലാം പോകുന്നു. കപ്പയും കരിമീനും പോലുള്ള തനത് വിഭവങ്ങള്‍ ആസ്വദിക്കുന്നതും, കൊച്ചി മെട്രോയുടെ ആധുനിക കാഴ്ചകളും, പാലക്കാടിന്റെ ഗ്രാമീണ കാഴ്ച്ചകളും, തൃശ്ശൂര്‍ പൂരത്തിന്റെ വര്‍ണ്ണാഭമായ നിമിഷങ്ങളും, മലപ്പുറത്തെ ഫുട്‌ബോള്‍ ആവേശവും വീഡിയോയില്‍ മനോഹരമായി ചിത്രീകരിച്ചിരിക്കുന്നു. ഇതിനൊപ്പം കോഴിക്കോടിന്റെ രുചിവൈവിധ്യവും കണ്ണൂരിന്റെ തെയ്യവും തിറയും വീഡിയോയുടെ മാറ്റുകൂട്ടുന്നു. കേരളത്തിന്റെ പച്ചപ്പും സംസ്‌കാരവും ഗ്രാമീണതയും ഭക്ഷണവും മാത്രമല്ല, മഹാപ്രളയം,…
ന്യൂഡല്‍ഹി. പ്രധാനമന്ത്രി നരേന്ദ്രമോദിയുടെ അമേരിക്കന്‍ സന്ദര്‍ശനത്തിന് പിന്നാലെ ഇന്ത്യയില്‍ പ്രവര്‍ത്തനം ആരംഭിക്കാന്‍ ടെസ്ല. പ്രമുഖ സോഷ്യല്‍ മീഡിയ പ്ലാറ്റ്‌ഫോമായ ലിങ്കിഡ്ഇന്‍ വഴിയാണ് ടെസ്ല ഉദ്യോഗാര്‍ഥികളെ തേടുന്നത്. ഇന്ത്യയില്‍ 13 തസ്തികയിലേക്കുള്ള നിയമനത്തിനാണ് ടെസ്ല ശ്രമിക്കുന്നത്. അമേരിക്കയില്‍ സന്ദര്‍ശനം നടത്തിയ പ്രധാനമന്ത്രി നരേന്ദ്ര മോദി ടെസ്ലയുടെ ഉടമ എലോണ്‍ മസ്‌കുമായി ചര്‍ച്ച നടത്തിയിരുന്നു. ലോകത്തിലെ തന്നെ ഏറ്റവും വലിയ മൂന്നാമത്തെ ഓട്ടോമൊബൈല്‍ മാര്‍ക്കറ്റായ ഇന്ത്യയിലേക്കുള്ള വരവിനായി ടെസ്ല ഏറെക്കാലമായി കാത്തിരിക്കുകയായിരുന്നു. ഇന്ത്യയില്‍ ടെസ്ല കാറുകളുടെ നിര്‍മ്മാണം ആരംഭിക്കണം എന്നയിരുന്നു കേന്ദ്ര സര്‍ക്കാരിന്റെ ആവശ്യം. അതേസമയം ടെസ്ല കാറുകള്‍ എന്ന് ഇന്ത്യയില്‍ പുറത്തിറങ്ങും എന്ന കാര്യത്തില്‍ കമ്പനി ഇതുവരെ വ്യക്തത വരുത്തിയിട്ടില്ല. കസ്റ്റമര്‍ സര്‍വീസ്, ബാക്ക് എന്‍ഡ് അടക്കമുള്ള തസ്തികയിലേക്കാണ് കമ്പനി അപേക്ഷ ക്ഷണിച്ചിരിക്കുന്നത്. ഡല്‍ഹിയിലും മുംബൈയിലുമായിട്ടായിരിക്കും നിയമനം.
കൊച്ചി. നെടുമ്പാശ്ശേരി വിമാനത്താവളത്തിന് സമീപം പുതിയ റെയില്‍വേ സ്റ്റേഷന്‍ നിര്‍മ്മിക്കും. പദ്ധതി നടപ്പിലാക്കുന്നതിന്റെ ആദ്യ പടിയായി റെയില്‍വേ ഉദ്യോഗസ്ഥര്‍ സ്ഥലം സന്ദര്‍ശിക്കും. കേന്ദ്രമന്ത്രി ജോര്‍ജ് കുര്യന്റെ ഇടപെടലിനെ തുടര്‍ന്നാണ് പദ്ധതി നടപ്പാകുന്നത്. ഒരു വര്‍ഷത്തിനുള്ളില്‍ പദ്ധതി പൂര്‍ത്തിയാക്കുവനാണ് ലക്ഷ്യം. പുതിയ റെയില്‍വേ സ്റ്റഷനുള്ള നിര്‍ദേശം നല്‍കിയത് റെയില്‍വേ മന്ത്രി അശ്വിനി വൈഷ്ണവാണെന്നും അദ്ദേഹത്തിനൊപ്പം പ്രത്യേക ട്രെയിനില്‍ തൃശൂര്‍ വരെ യാത്ര ചെയ്തുവെന്നും ജോര്‍ജ് കുര്യന്‍ പറഞ്ഞു. അതേസമയം സോളാര്‍ പാടത്തിന് സമീപം പുതിയ റെയില്‍വേ സ്റ്റേഷന്‍ നിര്‍മ്മിക്കുവനാണ് പദ്ധതി. ഇവിടെ നിന്നും ഒന്നര കിലോമീറ്റര്‍ മാത്രമാണ് റെയില്‍വേ സ്‌റ്റേഷനിലേക്കുള്ള ദൂരം. രണ്ട് പ്ലാറ്റ്‌ഫോമുകള്‍ നിര്‍മ്മിക്കുവനാണ് പദ്ധതി. ഇതില്‍ 24 കോച്ചുകളുല്‌ള ട്രെയിനുകള്‍ നിര്‍ത്താന്‍ സാധിക്കും. വന്ദേഭാരതിനും ഇന്റര്‍സിറ്റിക്കും സ്‌റ്റേഷനില്‍ സ്‌റ്റോപ്പുണ്ടാകും.
കൊച്ചി. പാതിവില തട്ടിപ്പ് കേസില്‍ 12 ഇടങ്ങളില്‍ റെയ്ഡ് നടത്തി എന്‍ഫോഴ്‌സ്‌മെന്റ് ഡയറക്ടറേറ്റ്. ചൊവാഴ്ച പുലര്‍ച്ചയോടെയാണ് ഇഡി ഉദ്യോഗസ്ഥര്‍ പരിശോധന ആരംഭിച്ചത്. കൊച്ചിയില്‍ നിന്നുള്ള 60 ഉദ്യോഗസ്ഥര്‍ വിവിധ സംഘങ്ങളായി തിരിഞ്ഞാണ് പരിശോധന നടത്തുന്നത്. പാതിവില തട്ടിപ്പ് കേസിലെ പ്രതികളായ അനന്തു കൃഷ്ണന്‍, സത്യസായി ട്രസ്റ്റ് എക്സിക്യൂട്ടീവ് ഡയറക്ടര്‍ കെ എന്‍ അനന്ദകുമാര്‍, കോണ്‍ഗ്രസ് നേതാവ് ലാലി വിന്‍സെന്റിന്റെ വീട്ടിലുമാണ് പരിശോധന. ചൂതാട്ട വിരുദ്ധ, കള്ളപ്പണ നിയമത്തിന്റെ അടിസ്ഥാനത്തിലാണ് ഇഡി കേസ് രജിസ്റ്റര്‍ ചെയ്തിരിക്കുന്നത്. പരാതിക്കാരില്‍ നിന്നും ഇഡി കഴിഞ്ഞ ദിവസം വിശദമായ മൊഴി രേഖപ്പെടുത്തിയിരുന്നു. പ്രാഥമിക അന്വേഷണത്തില്‍ 159 കോടി രൂപയുടെ അഴിതി നടന്നതായിട്ടാണ് വിവരം. സാധാരണക്കാരില്‍ നിന്നും പിരിച്ചെടുത്ത പണം കള്ളപ്പണമായി പലര്‍ക്കും കൈമാറിയിട്ടുണ്ടെന്നാണ് ഇഡിയുടെ കണ്ടെത്തല്‍. കേസിലെ ഒന്നാം പ്രതിയായ അനന്തു കൃഷ്ണന്‍ കോണ്‍ഗ്രസ് നേതാവ് ലാലി വിന്‍സെന്റിന് 46 ലക്ഷം നല്‍കിയതായി പോലീസ് നേരത്തെ കണ്ടെത്തിയിരുന്നു. അതേസമയം തനിക്ക് അനന്തുകൃഷ്ണന്‍ നല്‍കിയത് വക്കീല്‍ ഫീസാണെന്നാണ് ലാലി…
ജയില്‍ മോചിതനായ ശേഷം പ്രതികരണവുമായി നടന്‍ അല്ലു അര്‍ജുന്‍. പുഷ്പ 2 പ്രദര്‍ശനത്തിനിടെ തിയേറ്ററിലുണ്ടായ തിക്കിലും തിരക്കിലും യുവതി മരിച്ച സംഭവത്തിലാണ് അല്ലു അര്‍ജുന്‍ അറസ്റ്റിലായത്. അന്വേഷണവുമായി സഹകരിക്കുമെന്നും തനിക്ക് പിന്തുണ പ്രഖ്യാപിച്ച എല്ലാവര്‍ക്കും നന്ദി അറിയിക്കുന്നതായും അദ്ദേഹം പ്രതികരിച്ചു. ജയിലില്‍ നിന്നും പുറത്തിറങ്ങി വീട്ടില്‍ എത്തിയ ശേഷമാണ് നടന്റെ പ്രതികരണം. താന്‍ രാജ്യത്തെ നിയമം പാലിക്കുന്ന പൗരനാണ്. നിരവധി ആരാധകരും സഹപ്രവര്‍ത്തകരും തനിക്ക് പിന്തുണയുമായി എത്തി. അന്വേഷണവുമായി സഹരിക്കും. തിക്കിലും തിരക്കിലും പെട്ട് യുവതി മരിച്ചത് വേദനജനകമായ സംഭവമാണെന്നും താന്‍ ആ കുടുംബത്തിന്റെ കൂടെ എപ്പോഴും ഉണ്ടാകുമെന്നും അല്ലു അര്‍ജുന്‍ പറഞ്ഞു. കോടതി ഉത്തരവ് ജയിലില്‍ എത്തിയ ശേഷം ശനിയാഴ്ച രാവിലെയാണ് നടന്‍ ജയിലില്‍ നിന്നും പുറത്തിറക്കിയത്. ജയിലില്‍ നിന്നും പുറത്തിറങ്ങിയ ശേഷം നടന്‍ ആദ്യം പോയത് സ്വന്തം ഉടമസ്ഥതയിലുള്ള നിര്‍മാണ കമ്പനിയായ ഗീത ആര്‍ട്‌സിന്റെ ഓഫീസിലേക്കാണ്. വീടിന് പുറത്ത് സഹോദരനും ഭാര്യയും മക്കളും അല്ലു അര്‍ജുനെ സ്വീകരിച്ചു.
ബഡ്ജറ്റിന്റെ പരിമിതികൾ ഇല്ലാതെ, യാത്രകളെ സ്നേഹിക്കുന്ന ഓരോരുത്തർക്കും, ഇനി അവരുടെ സ്വപ്‌നങ്ങൾ യാഥാർഥ്യമാക്കാം. ലോകമെമ്പാടുമുള്ള യാത്രാപ്രേമികൾക്ക് കഴിഞ്ഞ 27 വർഷമായി ലെഷർ ടൂർസിന്റെ അനന്തസാധ്യതകൾ തുറന്നുകൊടുത്ത കേരളത്തിലെ മുൻനിര വിദേശ ടൂർ ഓപ്പറേറ്റർ ആയ സോമൻസ് ലെഷർ ടൂർസ് , ബഡ്ജറ്റ് അധിഷ്ഠിത യാത്രകളെ പ്രോത്സാഹിപ്പിക്കുക എന്ന ലക്ഷ്യത്തോടെ തങ്ങളുടെ സഹോദര സ്ഥാപനമായ ‘ലോകയാത്ര ഡോട്ട് കോമിന്റെ’ പ്രവർത്തനം ആരംഭിക്കുന്ന വിവരം സന്തോഷപൂർവ്വം അറിയിച്ചുകൊള്ളുന്നു. പുതിയ ലക്ഷ്യസ്ഥാനങ്ങളെ ആസ്വദിക്കാൻ ഇഷ്ടപ്പെടുകയും ആഢംബര യാത്രകൾ അമിതാഭാരം ആകുകയും ചെയ്യുന്ന ചെറുപ്പക്കാർക്കും, കുടുംബങ്ങൾക്കും, ഏതൊരാൾക്കും അവരുടെ ബഡ്ജറ്റിലൊതുങ്ങുന്ന നിരക്കിൽ മൂല്യവത്തായ യാത്രാനുഭവം പകർന്നു നൽകുന്നതിന് വേണ്ടിയാണ് ലോകയാത്ര ഡോട്ട് കോം ഒരുക്കിയിരിക്കുന്നത്. എന്തുകൊണ്ട് ലോകയാത്രാ.കോം ? ചിലവ് കുറഞ്ഞ യാത്രകൾ എന്നതിലുപരി, ചുരുങ്ങിയ ചിലവിൽ, എല്ലാവർക്കും യാത്രചെയ്യാൻ അർഹതയുണ്ടെന്ന ലളിതമായ ആശയത്തിലൂന്നി, മറ്റാർക്കും നൽകാൻ കഴിയാത്ത തരത്തിലുള്ള സുന്ദര നിമിഷങ്ങൾ ഒരുക്കുക എന്നതാണ് ഈ സഹോദര സ്ഥാപനം കൊണ്ടുദ്ദേശിക്കുന്നത്. ആഭ്യന്തരയാത്രയോ അന്തർദേശീയ യാത്രയോ ഏതുമായിക്കൊള്ളട്ടെ…
കൊച്ചി. നടന്‍ ബാല വീണ്ടും വിവാഹിതനായി. ബാലയുടെ മൂന്നാമത്തെ വിവാഹമാണിത്. ബന്ധു കൂടിയായ കോകിലയാണ് വധു. ബാല ആദ്യം വിവാഹം ചെയ്തത് ഗായിക അമൃത സുരേഷിനെയായിരുന്നു. പിന്നീട് എലിസബത്തിനെ വിവാഹം ചെയ്തു. ബാലയുടെയും കോകിലയുടെയും വിവാഹം കലൂര്‍ പാവകുള ക്ഷേത്രത്തില്‍ വെച്ചാണ് നടന്നത്.