ഇടുക്കി. എല്ലാവരും അര്‍ജന്റിനയുടെ പരാജയത്തെക്കുറിച്ച് ചര്‍ച്ച ചെയ്യുമ്പോള്‍ ഒട്ടും വ്യത്യസ്തനല്ലാതെ അര്‍ജന്റിനയും സൗദിയും തമ്മില്‍ നടന്ന മത്സരത്തില്‍ അര്‍ജന്റീനയുടെ പരാജയത്തില്‍ ദുഖത്തിലാണ് മുന്‍മന്ത്രിയും സി പി എം നേതാവുമായ എംഎം മണി. ഖത്തര്‍ ലോകകപ്പില്‍ അര്‍ജന്റീനയെ ആദ്യമത്സരത്തില്‍ തന്നെ പരാജയപ്പെടുത്തിയ സൗദിയുടെ വിജയത്തില്‍ അഭിനന്ദിക്കുമ്പോള്‍ തന്നെയാണ് അദ്ദേഹം അര്‍ജന്റീനയുടെ പരാജയത്തില്‍ വേദനിക്കുന്നതും.
അര്‍ജന്റിനയുടെ പരാജയത്തിന് കാരണം സൗദിയിലെ ചൂട് കാലാവസ്ഥയാണെന്നാണ് അദ്ദേഹം പറയുന്നത്. അര്‍ജന്റീനയുടെ തോല്‍വി ആഘോഷമാക്കിയവരോട് എംഎം മണി ഫേയ്‌സ്ബുക്കിലൂടെ മറിപടി നല്‍കിയിരുന്നു. ‘കളി ഇനിയും ബാക്കിയാണ് മക്കളെ’ എന്നാണ് അദ്ദേഹം പ്രതികരിച്ചത്. അര്‍ജന്റീനയുടെ പരാജയത്തിന് പിന്നാലെ സോഷ്യല്‍ മീഡിയയില്‍ വലിയ ട്രോളുകളാണ് എത്തിയത്. പരാജയത്തില്‍ വേദനിക്കുന്ന കുട്ടികള്‍ അടക്കം നിരവധി പേരുടെ വാര്‍ത്തകളും പിന്നീട് പുറത്തുവന്നു.
