ഖത്തറിലേതുപോലെ ഒരു ഉത്സവം ഇന്ത്യയിലും നടക്കുമെന്ന് ഫുട്‌ബോള്‍ ലോകകപ്പിനെക്കുറിച്ച് പ്രധാനമന്ത്രി നരേന്ദ്ര മോദി. ത്രിവര്‍ണ പതാകയ്ക്കായ ജനം ആര്‍ത്തുവിളിക്കുന്ന ഒരു ദിനം വിദൂരമല്ലെന്നും അദ്ദേഹം പറഞ്ഞു. ഷില്ലോങ്ങില്‍ നടന്ന നോര്‍ത്ത് ഈസ്‌റ്റേണ്‍ കൗണ്‍സിലിന്റെ ജീബിലി ആഘോഷത്തില്‍ സംസാരിക്കവെയാണ് ഖത്തറലേതുപോലെ ഒരു ആഘോഷം ഇന്ത്യയിലും ഉടന്‍ നടക്കുമെന്ന് അദ്ദേഹം പറഞ്ഞത്.
ഇന്ന് എല്ലാ വരും ഖത്തറില്‍ നടക്കുന്ന ഫുട്‌ബോള്‍ ലോകകപ്പ് ആവേശത്തിലാണ് അവിടെ കളത്തില്‍ പ്രകടനം നടത്തുന്ന വിദേശ ടീമുകളെ നമ്മള്‍ ആവേശത്തോടെ നോക്കുന്നു. എന്നാല്‍ രാജ്യത്തെ എല്ലാ യുവജനങ്ങളിലും എനിക്ക് വിശ്വാസമുണ്ട്. അതുകൊണ്ട് ഖത്തറിലേത് പോലെ ഒരു ആഘോഷം നമ്മുടെ രാജ്യത്തും നടക്കും അത് വിദൂരമല്ലെന്ന് എനിക്ക് ഉറപ്പാണെന്ന് അദ്ദേഹം പറഞ്ഞു.
അതുപോലെ ഒരു ഉത്സവം നമ്മള്‍ ഇന്ത്യയിലും നടത്തും. അപ്പോള്‍ ത്രിവര്‍ണ പതാകയ്ക്കായി ജനം ആര്‍ത്തുവിളിക്കുമെന്നും പ്രധാനമന്ത്രി നരേന്ദ്ര മോദി പറഞ്ഞു. കഴിഞ്ഞ എട്ടുവര്‍ഷക്കാലും കൊണ്ട് വടക്കുകിഴക്കന്‍ മേഖലയുടെ വികസനത്തിനായി തടസ്സം നിന്നവര്‍ക്ക് നേരെ സര്‍ക്കാര്‍ ചുവപ്പ് കാര്‍ഡ് വീശിയെന്നും അദ്ദേഹം പറഞ്ഞു.
