ദുബായ് വിമാനത്താവളത്തില്‍ വെച്ച് വിമാനത്തിന്റെ കോക് പിറ്റില്‍ അതിക്രമിച്ച് കടക്കുവാന്‍ ശ്രമിച്ച നടന്‍ ഷൈന്‍ ടോം ചാക്കോയെ വിട്ടയച്ചു. ദുബായില്‍ നിന്നും കേരളത്തിലേക്ക് വരുവാന്‍ വിമാത്തില്‍ കയറിയ നടന്‍ വിമാനത്തിന്റെ കോക്പിറ്റിലേക്ക് കയറുവാന്‍ ശ്രമിക്കുകയായിരുന്നു. ഇതിനെ തുടര്‍ന്ന് വിമാന ജീവനക്കാര്‍ ഷൈനിനെ വിമാനത്തില്‍ നിന്നും ഇറക്കിവിട്ടു.
ഷൈന്‍ ടോം ചാക്കോ പ്രധാന വേഷത്തില്‍ എത്തുന്ന ചിത്രമായ ഭാരത സര്‍ക്കസിന്റെ പ്രചാരണത്തിനായി ദുബായില്‍ എത്തിയതിയിരുന്നു നടനും സംഘവും തുടര്‍ന്ന് പ്രമോഷന്‍ പരിപാടികള്‍ക്ക് ശേഷം കേരളത്തിലേക്ക് മടങ്ങിവരുവാന്‍ ഒരുങ്ങുമ്പോഴാണ് സംഭവം. എയര്‍ ഇന്ത്യയുടെ വിമാനത്തിലെ കോക്പിറ്റിലാണ് നടന്‍ അതിക്രമിച്ച് കയറുവാന്‍ ശ്രമിച്ചത്. നടന്റെ പ്രവര്‍ത്തി കണ്ട ക്യാബിന്‍ ക്രൂ ഷൈനിനോട് അനുവദിച്ചിരിക്കുന്ന സീറ്റില്‍ പോയി ഇരിക്കുവാന്‍ അവശ്യപ്പെട്ടു. എന്നാല്‍ നടന്‍ സീറ്റില്‍ പോയി ഇരിക്കുവാന്‍ കൂട്ടാക്കാതെ ബഹളം ഉണ്ടാക്കുകയായിരുന്നു.
ഇതിനെ തുടര്‍ന്നാണ് നടനെ ഇറക്കി വിട്ടത്. ഷൈന്‍ ടോം ചാക്കോയെ കൂടാതെയാണ് വിമാനം കൊച്ചിയിലേക്ക് യാത്ര ചെയ്തത്. തുടര്‍ന്ന് വിമാനത്തില്‍ ബഹളം ഉണ്ടാക്കിയതിന്റെ പേരില്‍ നടനെ തടഞ്ഞ് വെയ്ക്കുകയായിരുന്നു. തമാശയ്ക്ക് കാണുവാന്‍ വേണ്ടിയാണ് കോക്പിറ്റില്‍ കയറുവാന്‍ ശ്രമിച്ചതെന്നാണ് നടന്റെ വാദം.
