ശ്രീനഗർ. തീയറ്ററിൽ വലിയ വിജയം നേടി മുന്നേറുകയാണ് ഷാരൂഖ് ഖാൻ ചിത്രം പഠാൻ. കഴിഞ്ഞ ദിവസമാണ് ചിത്രം തീയേറ്ററിൽ എത്തിയത്. റിലീസ് ദിനം തന്നെ ചിത്രം നൂറ് കോടി ക്ലബ്ബിൽ ഇടം പിടിച്ചിരുന്നു. രാജ്യത്തിന്റെ വിവിധ ഭാഗങ്ങളിൽ നിന്നും മികച്ച പ്രതികരണമാണ് ചിത്രത്തിന് ലഭിക്കുന്നത്.
ഇതിനിടയിൽ ഇപ്പോഴിത ഷാരൂഖ് ഖാന് നന്ദി പറഞ്ഞ് എത്തിയിരിക്കുകയാണ് കാശ്മീരിലെ തീയററ്റർ ഉടമകൾ. 32 വർഷങ്ങൾക്ക് ശേഷം കാശ്മീരിലെ തീയറ്ററുകൾ ഹൗസ് ഫുൾ ആയതിനാണ് കാശ്മീരിലെ തീയററ്റർ ഉടമകൾ ഷാരൂഖ് ഖാന് നന്ദി പറയുന്നത്. തീയറ്റർ ശൃംഖലയായ ഇനോക്‌സ് ആണ് ഷാരൂഖിന് നന്ദി അറിയിക്കുന്നത്.
