സോഷ്യല്‍ മീഡിയയില്‍ മോഹന്‍ലാല്‍ പങ്കുവെയ്ക്കുന്ന ചിത്രങ്ങളും വീഡിയോകളും എപ്പോഴും വലിയ ആവേശത്തോടെയാണ് മലയാളികള്‍ സ്വീകരിക്കുന്നത്. ഇപ്പോഴിത മോഹന്‍ലാല്‍ ഫുട്പാത്തില്‍ കിടന്ന കടലാസുകള്‍ എടുത്ത് മാറ്റുന്ന ദൃശ്യങ്ങള്‍ സോഷ്യല്‍ മീഡിയയില്‍ വൈറലാണ്. ദൃശ്യങ്ങള്‍ മോഹന്‍ലാലിന്റെ ഫാന്‍സ് പേജിലാണ് ആദ്യം പങ്കുവെച്ചത്.
പിന്നീട് ചിത്രം സോഷ്യല്‍ മീഡിയയില്‍ വൈറലാകുകയായിരുന്നു. സോഷ്യല്‍ മീഡിയയില്‍ അദ്ദേഹത്തിന്റെ ഈ പ്രവര്‍ത്തിയെ അഭിനന്ദിച്ച് നിരവധി കമന്റുകളാണ് എത്തുന്നത്. തങ്ങളുടെ ലാലേട്ടന്‍ ഇത്ര സിംപിള്‍ ആണോ എന്നും പലരും ചോദിക്കുന്നു.
അദ്ദേഹത്തിന്റെ ചിത്രങ്ങള്‍ വിജയിക്കുവാന്‍ കാരണം അദ്ദേഹത്തിന്റെ എളിമയാണെന്നും, ഇതാണ് ഞങ്ങളുടെ ലാലേട്ടനെന്നും ആരാധകര്‍ കമന്റ് ചെയ്യുന്നു. കാറില്‍ നിന്നിറങ്ങി വരുന്ന മോഹന്‍ലാലിനെയാണ് വീഡിയോയുടെ തുടക്കത്തില്‍ കാണാനാവുക. മറ്റെങ്ങും അത്തരത്തില്‍ ഒരു മാലിന്യവും കിടക്കുന്നതും ഇല്ല. തുടര്‍ന്ന് ഫുട്പാത്തില്‍ അങ്ങിങ്ങായി ചിതറിക്കിടക്കുന്ന കടലാസ് കഷണങ്ങള്‍ അദ്ദേഹം കുനിഞ്ഞ് എടുത്ത് മാറ്റുകയും ചെയ്യുന്നുണ്ട്.
ദുബായ് യാത്രക്കിടെയാണ് ഫുട്പാത്തിലെ കടലാസ് കഷണങ്ങള്‍ എടുത്ത് മാറ്റിയത്. താരജാഡകളില്ലാത്ത മോഹന്‍ലാലിന്റെ പ്രവൃത്തിയെ ആവോളം പ്രശംസിക്കുകയാണ് ആരാധകര്‍. രജനീകാന്തിനെ നായകനാക്കി നെല്‍സണ്‍ ദിലീപ് കുമാര്‍ സംവിധാനം ചെയ്യുന്ന ജയിലറിലെ സസ്‌പെന്‍സ് നിറഞ്ഞ അതിഥി വേഷത്തില്‍ മോഹന്‍ലാല്‍ ഈയിടെ അഭിനയിച്ചിരുന്നു. തീര്‍ത്തും അപ്രതീക്ഷിതമായാണ് രജനി ചിത്രത്തിലെ മോഹന്‍ലാലിന്റെ സാന്നിധ്യം അണിയറപ്രവര്‍ത്തകര്‍ വെളിപ്പെടുത്തിയത്.
