ഓസ്‌കര്‍ നേടുവാന്‍ ആര്‍ ആര്‍ ആര്‍. ചൊവ്വാഴ്ചയാണ് ഓസ്‌കാര്‍ നാമനിര്‍ദേശ പ്രഖ്യാപനം. ആര്‍ ആര്‍ ആറിന് പുറമെ ഇന്ത്യയില്‍ നിന്നും നാല് ചിത്രങ്ങളാണ് നാമനിര്‍ദേശം ചെയ്തിട്ടുള്ളത്. ചെല്ലോ ഷോ, ഓള്‍ ദാറ്റ് ബ്രീത്ത്സ്, ദി എലിഫന്റ് വിസ്പേഴ്സ് എന്നി ചിത്രങ്ങളാണ് ചുരുക്കപ്പട്ടികയില്‍ ഇന്ത്യന്‍ സമയം രാവിലെ 8.30 ന് യു എസിലെ കാലിഫോര്‍ണിയ ബവേറി ഹില്‍സിലാണ് ചടങ്ങ്.
ക്രിട്ടിക് ചോയ്സ്, ഗോള്‍ഡന്‍ ഗ്ലോബ് പുരസ്‌കാരങ്ങള്‍ സ്വന്തമാക്കിയ ആര്‍ ആര്‍ ആറിന് മികച്ച ഗാന വിഭാഗത്തിലാണ് പ്രതീക്ഷ. ഇതിലെ നാട്ടു നാട്ടു എന്ന പാട്ട് അവതാര്‍, ബ്ലാക്ക് പാന്തര്‍ തുടങ്ങിയ ചിത്രങ്ങളിലെ ഗാനങ്ങളുമായാണ് മത്സരിക്കുന്നത്. കഴിഞ്ഞവര്‍ഷം ആദ്യമായി ഓസ്‌കര്‍ നേടിയ ബ്രിട്ടീഷ് നടന്‍ റിസ് അഹമ്മദും അമേരിക്കന്‍ നടി ആലിസണ്‍ വില്യംസും ചേര്‍ന്നാണ് നാമനിര്‍ദേശങ്ങള്‍ പ്രഖ്യാപിക്കുക. മാര്‍ച്ച് 12നാണ് ഏവരും കാത്തിരിക്കുന്ന അന്തിമ പുരസ്‌കാര പ്രഖ്യാപനം.
