ബോളിവുഡ് സിനിമ ലോകത്തെ വലിയ ആരാധകരുള്ള താരദമ്പതികളാണ് അജയ് ദേവ്ഗണ്‍ ഭാര്യ കാജോളും. ഇരുവരുടെയും മകളാണ് നൈസ ദേവ്ഗണ്‍. നൈസയും സിനിമ ലോകത്തേക്ക് എത്തുന്നതായിട്ടാണ് പുറത്തുവരുന്ന വിവരങ്ങള്‍. നൈസയുടെ പുതിയ ഫോട്ടോഷൂട്ട് ചിത്രങ്ങള്‍ ഇപ്പോള്‍ സോഷ്യല്‍ മീഡിയയില്‍ ആരാധകര്‍ ഏറ്റെടുത്തുകഴിഞ്ഞിരിക്കുകയാണ്. അതീവ സുന്ദരിയായ നൈസയെ റെഡ് ലെഹങ്കയില്‍ കൂടുതല്‍ സുന്ദരിയാക്കുന്നുവെന്ന് ആരാധകര്‍ പറയുന്നു.
ഒപ്പം അമ്മ കാജോളിന്റെ ചിരിയാണ് നൈസയ്ക്കും ലഭിച്ചിരിക്കുന്നതെന്നും ചിലര്‍ പ്രതികരിച്ചു. നൈസയുടെ ചിത്രങ്ങള്‍ മുന്‍പും സോഷ്യല്‍ മീഡിയയില്‍ വലിയ ചര്‍ച്ചയായിട്ടുണ്ട്. ആര്യ ഖാന്‍, സുഹാന ഖാന്‍, അനന്യ പാണ്ഡെ എന്നിവര്‍ക്കൊപ്പം പലപ്പോഴും പാര്‍ട്ടികളില്‍ പങ്കെടുക്കുവാന്‍ നൈസയും എത്താറുണ്ട്. കാജോള്‍ അജയ് ദേവ്ഗണ്‍ ദമ്പതികളുടെ മൂത്ത മകളാണ് നൈസ.
മകള്‍ സിനിമയിലേക്ക് എത്തുമോ എന്ന ചോദ്യത്തിന് ഒരിക്കല്‍ അജയ് ദേവ്ഗണ്‍ മറുപടി നല്‍കിയിരുന്നു. അദ്ദേഹം പറയുന്നത്. മകള്‍ ഇപ്പോള്‍ വിദേശത്ത് പഠിക്കുകയാണ്. അവള്‍ക്ക് സിനിമയോട് പാഷനുണ്ടോ എന്ന് അറിയില്ല. കുട്ടികള്‍ അല്ലെ അവരുടെ ഇഷ്ടങ്ങള്‍ മാറുമല്ലോ എന്നാണ് അദ്ദേഹം പ്രതികരിച്ചത്. അടുത്തിടെ അഹമ്മദ്‌നഗറിലെ ഒരു പൊതു പരിപാടിയില്‍ നൈസ പങ്കെടുത്തിരുന്നു. പരിപാടിയില്‍ വിദ്യാര്‍ഥികള്‍ക്കായി നൈസ പുസ്തകങ്ങളും സ്‌പോര്‍ട്‌സ് കിറ്റുകളും വിതരണം ചെയ്തിരുന്നു.
