മലയാളത്തില്‍ ഉള്‍പ്പെടെ നിരവധി ഭാഷകളില്‍ അഭിനയിച്ച മീന തന്റെ സിനിമ ജീവിതം തുടങ്ങിയിട്ട് 40 വര്‍ഷങ്ങള്‍ പിന്നിടുകയാണ്. മീന തന്റെ സിനിമ ജീവിതം 40 വര്‍ഷം പൂര്‍ത്തിയാക്കിയതിനോട് അനുബന്ധിച്ച് സംഘടിപ്പിച്ച പരിപാടിയുടെ വിശേഷങ്ങളാണ് ഇപ്പോള്‍ പുറത്ത് വരുന്നത്. പരിപാടിയില്‍ സൂപ്പര്‍ സ്റ്റാര്‍ രജനികാന്തായിരുന്നു മുഖ്യാതിഥി.
മീനയ്‌ക്കൊപ്പം നിരവധി ചിത്രങ്ങളിലാണ് രജനികാന്ത് അഭിനയിച്ചത്. ഈ ചിത്രങ്ങള്‍ എല്ലാ വമ്പന്‍ ഹിറ്റുകളായിരുന്നു. പരിപാടിയില്‍ പങ്കെടുക്കവെ രജനികാന്തിനോട് മീനയുടെ മകള്‍ നൈനിക തന്റെ ഒരു ആഗ്രഹം പറഞ്ഞു. അങ്കിള്‍ തനിക്ക് ഒരു ഉമ്മ തരാമോ എന്നാണ് നൈനിക ചോദിച്ചത്. പിന്നീട് നൈനികയെ ചേര്‍ത്ത് നിര്‍ത്തുകയാണ് സൂപ്പര്‍ സ്റ്റാര്‍ ചെയ്തത്. മീനയുടെ ആറാം വയസ്സിലായിരുന്നു ആദ്യ ചിത്രം. ആ സിനിമയില്‍ രജനികാന്തായിരുന്നു നായകന്‍.
ബാലതാരമായി സിനിമയില്‍ എത്തിയ മീന 45ലേറെ ചിത്രങ്ങളില്‍ ബാലതാരമായി വേഷമിട്ടിട്ടുണ്ട്. മമ്മൂട്ടി നായകനായ കൊച്ചുകഥ ആരും പറയാത്ത കഥ, മോഹന്‍ലാല്‍ നായകനായി എത്തി. മനസ്സറിയാതെ എന്നി ചിത്രങ്ങളിലും മീന ബാലതാരമായി അഭിനയിച്ചിരുന്നു. തമിഴ് ചിത്രമായ ഒരു പുതിയ കഥൈ എന്ന സിനിമയിലൂടെയാണ് മീന നായികയായി അരങ്ങേറ്റം കുറിക്കുന്നത്.
