ആരാധകര്‍ ഏറെ ആവേശത്തോടെ കാത്തിരിക്കുന്ന മോഹന്‍ ലാല്‍ ചിത്രമാണ് ബറോസ്. മോഹന്‍ ലാല്‍ തന്നെയാണ് ചിത്രം സംവിധാനം ചെയ്യുന്നത്. അദ്ദേഹം ആദ്യമായ സംവിധാനം ചെയ്യുന്ന ചിത്രമാണ് ബറോസ്. ചിത്രം 170 ദിവസം കൊണ്ടാണ് ചിത്രീകരണം പൂര്‍ത്തിയാക്കിയത്. മോഹന്‍ലാല്‍ സംവിധാനം ചെയ്യുന്നത് കൊണ്ട് തന്നെ ചിത്രത്തില്‍ പ്രണവ് മോഹന്‍ലാല്‍ അഭിനയിക്കുന്നുണ്ടോ എന്ന ചോദ്യം ആരാധകര്‍ ഉന്നയിച്ചിരുന്നു.
ഇത് സംബന്ധിച്ച വിവരങ്ങള്‍ ഒന്നും ഇതുവരെ പുറത്ത് വന്നിട്ടില്ല. ഇപ്പോള്‍ ആരാധകരെ ആവേശത്തിലാക്കി ലൊക്കേഷനില്‍ നിന്നുള്ള വിഡിയോ ദൃശ്യങ്ങള്‍ പുറത്തുവന്നിരിക്കുകയാണ്. പ്രണവിന് ചിത്രീകരിക്കാന്‍ പോകുന്ന രംഗം വിശദീകരിച്ച് നല്കുന്ന മോഹന്‍ലാലാണ് ദൃശ്യങ്ങളില്‍. ഇന്ത്യയിലെ ആദ്യ ത്രിഡി ചിത്രമായ മൈഡിയര്‍ കുട്ടിച്ചാത്തന്‍ സംവിധാനം ചെയ്ത ജിജോയുടെ കഥയാണ് ബോറോസ്. ചിത്രത്തില്‍ മോഹന്‍ലാലും അഭിനയിക്കുന്നുണ്ട്. വാസ്‌കോഡ ഗാമയുടെ നിധി സൂക്ഷിപ്പ് കാരനായ ബറോസ് എന്ന ഭൂതത്തിന്റെ കഥയാണ് ചിത്രം പറയുന്നത്.
