കൊച്ചി. നേരത്തെ രണ്ട് ഒസ്‌കറുകൾ നേടിയിട്ടുള്ള സംവിധായകനായ ബെൻ അഫ്‌ലെക്കിന്റെയും ഹോളിവുഡ് താരം മാറ്റ് ഡാമന്റെയും ആർട്ടിസ്റ്റ് ഇക്വിറ്റിയിൽ നിന്നുള്ള ആദ്യ പ്രോജക്റ്റായി ആമസോൺ സ്റ്റുഡിയോസ്, സ്‌കൈഡാൻസ് സ്പോർട്സ്, മാൻഡലേ പിക്ചേഴ്സ് എന്നിവർ അവതരിപ്പിക്കുന്ന എയർ എന്ന ചിത്രം പ്രമുഖ ഒടിടി പ്ലാറ്റ്‌ഫോമായ പ്രൈം വീഡിയോയിൽ മെയ് 12 മുതൽ സ്ട്രീമീംഗ് ആരംഭിക്കും.
ലോകമെമ്പാടുമുള്ള 240-ലധികം രാജ്യങ്ങളിലും പ്രദേശങ്ങളിലും ലഭ്യമാകുന്ന ചിത്രം പ്രൈം അംഗങ്ങൾക്ക് ഇംഗ്ലീഷ്, ഹിന്ദി, തമിഴ്, തെലുങ്ക്, കന്നഡ, മലയാളം ഭാഷകളിൽ കാണാൻ സാധിക്കും. നിലവിൽ 1499 രൂപയാണ് പ്രൈം വിഡിയോയുടെ വാർഷിക വരിസംഖ്യ. ഏപ്രിൽ 5ന് ലോകമെമ്പാടുമുള്ള തീയറ്ററുകളിൽ റിലീസായ ചിത്രം 92% ”സർട്ടിഫൈഡ് ഫ്രഷ്” ടൊമാറ്റോമീറ്റർ റേറ്റിംഗും റോട്ടൻ ടൊമാറ്റോയിൽ 98% സ്‌കോറും നേടിയാണ് ഒടിടിയിലെത്തുന്നത്.
നൈക്കി കമ്പനിയുടെ ബാസ്‌കറ്റ്‌ബോൾ ഷൂനിരയായ എയർ ജോർദാന്റെ തുടക്കവും എയറും ബാസ്‌കറ്റ്‌ബോൾ സൂപ്പർതാരം മൈക്കൽ ജോർദാനും തമ്മിൽ കരാറുണ്ടാക്കുന്നതിന് നൈക്കിയുടെ പ്രഗൽഭ എക്‌സിക്യൂട്ടീവായ സോണി വക്കാരോ നടത്തിയ ശ്രമങ്ങളും ചിത്രീകരിക്കുന്ന ബയോഗ്രഫിക്കൽ സ്പോർട്സ് ഡ്രാമയാണ് ചിത്രം. സോണി വക്കാരോ ആയി മാറ്റ് ഡാമനും നൈക്കിന്റെ സഹസ്ഥാപകനായ ഫിൽ നൈറ്റായി അഫ്‌ലെക്കും റോബ് സ്ട്രാസറായി ജേസൺ ബേറ്റ്മാനും ഡേവിഡ് ഫോക്ക് ആയി ക്രിസ് മെസീനയും പീറ്റർ മൂറായി മാത്യു മഹറും ജോർജ് റാവലിംഗ് ആയി ക്രിസ് ടക്കറും ഹോവാർഡ് വൈറ്റായി ക്രിസ് ടക്കറും ഡെലോറിസ് ജോർദാൻ ആയി ഡേവിസും ഹോർസ്റ്റ് ഡാസ്ലറായി ഗുസ്താഫ് സ്‌കാർസ്ഗാർഡുമാണ് വേഷമിടുന്നത്.
അലക്സ് കൺവെറിയുടെ തിരക്കഥയിൽ എയർ നിർമ്മിക്കുന്നത് ഡേവിഡ് എല്ലിസൺ, ജെസ്സി സിസ്ഗോൾഡ്, ജോൺ വെയ്ൻബാച്ച്, അഫ്‌ലെക്ക്, ഡാമൺ, മാഡിസൺ ഐൻലി, ജെഫ് റോബിനോവ്, പീറ്റർ ഗുബർ, ജേസൺ മൈക്കൽ ബെർമാൻ എന്നിവർ ചേർന്നാണ്. എക്സിക്യൂട്ടീവ് പ്രൊഡ്യൂസർമാരിൽ ഡാന ഗോൾഡ്ബെർഗ്, ഡോൺ ഗ്രാഞ്ചർ, കെവിൻ ഹലോറൻ, മൈക്കൽ ജോ, ഡ്രൂ വിന്റൺ, ജോൺ ഗ്രഹാം, പീറ്റർ ഇ. സ്‌ട്രോസ്, ജോർദാൻ മോൾഡോ എന്നിവരും ഉൾപ്പെടുന്നു.
ബ്രൂസ് സ്പ്രിംഗ്സ്റ്റീൻ, സിണ്ടി ലോപ്പർ, ആർ.ഇ.ഒ. സ്പീഡ് വാഗൺ, ദി ക്ലാഷ്, നൈറ്റ് റേഞ്ചർ, ഡയർ സ്‌ട്രൈറ്റ്‌സ്, ഗ്രാൻഡ്മാസ്റ്റർ ഫ്‌ളാഷ് ആൻഡ് ദി ഫ്യൂരിയസ് ഫൈവ്, സ്‌ക്യൂസ് തുടങ്ങിയ പ്രമുഖ ബാൻഡുകളുടെ 80-കളിലെ ഹിറ്റുകളുടെ അവിസ്മരണീയമായ ശബ്ദട്രാക്ക് ഇപ്പോൾ സോണി മ്യൂസിക് എന്റർടൈൻമെന്റിന്റെ കാറ്റലോഗ് ഡിവിഷനായ ലെഗസി റെക്കോർഡിംഗുകൾ ഇപ്പോൾ ഡിജിറ്റലായി ലഭ്യമാണ്.
