മമ്മുട്ടി ചിത്രം പകര്‍ത്തിയ സന്തോഷവുമായി പല താരങ്ങളും സോഷ്യല്‍ മീഡിയയില്‍ എത്താറുണ്ട്. അങ്ങനെ ഒരു ഭാഗ്യം തനിക്കും ലഭിച്ചിരിക്കുന്നുവെന്നാണ് ഇപ്പോള്‍ കുഞ്ചാക്കോ ബോബന്‍ പറയുന്നത്. മമ്മൂട്ടി ഫോട്ടോ എടുക്കുന്ന വീഡിയോ പങ്കുവെച്ചാണ് കുഞ്ചാക്കോബോബന്‍ ഈ സന്തോഷം പങ്കുവെച്ചിരിക്കുന്നത്.
വിഡിയോയില്‍ മമ്മൂട്ടിക്കൊപ്പം പോസ് ചെയ്യുകയും ചിത്രം പകര്‍ത്തിയ ശേഷം അത് സന്തോഷത്തോടെ കാണുന്ന ചാക്കോച്ചനെയും ദൃശ്യങ്ങളില്‍ കാണാന്‍ സാധിക്കും. ദി മെഗാ ഷൂട്ടര്‍, എന്റെ ആരാധനാപാത്രത്തിനൊപ്പം ഒരു ഫാന്‍ ബോയ് നിമിഷം എന്ന അടിക്കുറിപ്പോടെയാണ് കുഞ്ചാക്കോ ബോബന്‍ ദൃശ്യങ്ങള്‍ സോഷ്യല്‍ മീഡിയയില്‍ പങ്കുവെച്ചത്.
