നാഗ് അശ്വിന്‍ സംവിധാനം ചെയ്ത് പ്രഭാസ് കേന്ദ്ര കഥാപാത്രത്തെ അവതരിപ്പിക്കുന്ന ചിത്രമാണ് കല്‍ക്കി 2898. ചിത്രത്തിന്റെ ഫസ്റ്റ്‌ലുക്ക് പോസ്റ്റര്‍ പ്രൊഡക്റ്റ് കെ എന്ന പേരില്‍ ഇറക്കിയെങ്കിലും ആരാധകര്‍ക്ക് നിരാശയായിരുന്നു. എന്നാല്‍ ആരാധകരെ ഞെട്ടിച്ചാണ് ഇപ്പോള്‍ ചിത്രത്തിന്റെ ഗ്ലിംസ് വീഡിയോ പുറത്ത് വന്നിരിക്കുന്നത്.
ചിത്രത്തിന്റെ മേക്കിംഗ് ഹോളിവുഡ് സിനിമകള്‍ക്ക് തുല്ല്യമാണെന്നാണ് ആരാധകരുടെ അഭിപ്രായം. വിഡിയോ പുറത്ത് വിട്ട് മണിക്കൂറികള്‍ക്ക് അകം 16 ലക്ഷം പേരാണ് വീഡിയോ കണ്ടത്. ഭാവിയില്‍ നടക്കുന്ന ഒരു കഥയാണ് ചിത്രത്തില്‍ അന്ധകാരം ലോകത്തെ കീഴടക്കുമ്പോള്‍ അതിനെ നശിപ്പിക്കുവനായി ഒരു ശക്തി ഉദിക്കും എന്ന തലക്കെട്ടോടെയാണ് വീഡിയ പങ്കുവെച്ചിരിക്കുന്നത്.
ചിത്രത്തില്‍ പ്രഭാസിനൊപ്പം അമിതാഭ് ബച്ചന്‍, കമല്‍ഹാസന്‍, ദീപിക പദുക്കോണ്‍, ദിഷാ പട്ടാണി, പശുപതി എന്നിവര്‍ ചിത്രത്തിലെ പ്രധാന കഥാപാത്രങ്ങള്‍. ചിത്രത്തില്‍ അമാനുഷിക കഥാപാത്രമായിട്ടാണ് പ്രഭാസ് എത്തുന്നത്. ചിത്രം അടുത്തവര്‍ഷം ജനുവരി 12ന് തീയേറ്ററുകളില്‍ എത്തും.
