തൃശൂര്‍. പ്രധാനമന്ത്രി നരേന്ദ്രമോദിക്കൊപ്പം സ്ത്രീശക്തി മോദിക്കൊപ്പം എന്ന മഹിളാ സമ്മേളനത്തില്‍ പങ്കെടുക്കാന്‍ പ്രമുഖരായ വനിതകള്‍. വിവിധ മേഖലകളില്‍ സ്വന്തം സാന്നിധ്യം ഉറപ്പിച്ച സ്ത്രീശക്തി തെളിയിച്ച വനിതകളാണ് തേക്കിന്‍കാട് മൈതാനത്തില്‍ പ്രധാനമന്ത്രിക്കൊപ്പം വേദി പങ്കിടുന്നത്.
ഇന്ത്യന്‍ ഒളിംപിക് അസോസിയേഷന്‍ പ്രസിഡന്റ് പിടി ഉഷ, നടി ശോഭന, ഇന്ത്യന്‍ ക്രിക്കറ്റ് ടീം അംഗം മിന്നുമണി, സാമൂഹിക പ്രവര്‍ത്തക സുനില്‍ ടീച്ചര്‍, ഗായിക വൈക്കം വിജയലക്ഷ്മി, വ്യവസായി ബീന കണ്ണന്‍, മറിയക്കുട്ടി എന്നിവരാണ് പ്രധാനമന്ത്രിക്കൊപ്പം സ്ത്രീശക്തി സംഗമത്തില്‍ പങ്കെടുക്കുന്നത്.
തൃശൂര്‍ തേക്കിന്‍ക്കാട് മൈതാനത്തില്‍ നടക്കുന്ന പരിപാടിയില്‍ രണ്ട് ലക്ഷത്തോളം സ്ത്രീകളാണ് പങ്കെടുക്കുന്നത്. പ്രധാനമന്ത്രി അഗത്തിയില്‍ നിന്നും പ്രത്യേക വിമാനത്തില്‍ നെടുമ്പാശേരിയില്‍ എത്തിയ ശേഷം ഹെലികോപ്റ്ററിലാണ് തൃശൂരിലെത്തിയത്.
