ഇന്ത്യയിലെ ഏറ്റവും ശക്തരായ നേതാക്കളുടെ പട്ടികയില്‍ ഒന്നാം സ്ഥാനത്ത് തുടര്‍ന്ന് പ്രധാനമന്ത്രി നരേന്ദ്രമോദി. ഇന്ത്യന്‍ എക്‌സ്പ്രസ് പ്രസിദ്ധീകരിച്ച പട്ടികയിലാണ് പ്രധാനമന്ത്രി നരേന്ദ്രമോദി ഒന്നാം സ്ഥാനത്തെത്തിയത്. തുടര്‍ന്നുള്ള രണ്ടും മൂന്നും സ്ഥാനങ്ങള്‍ ആഭ്യന്തര മന്ത്രി അമിത് ഷായും ആര്‍എസ്എസ് സര്‍സംഘചാലക് മോഹന്‍ ഭാഗവതുമാണ്.
ഇന്ത്യയില്‍ ബിജെപിയും ആര്‍എസ്എസും മുന്നോട്ട് വെക്കുന്ന ആശയങ്ങള്‍ ജനങ്ങള്‍ ഒന്നിച്ച് ഏറ്റെടുക്കുന്നതിന്റെ തെളിവാണ് പട്ടികയിലെ വിവരങ്ങള്‍. ഒരോ വര്‍ഷം പിന്നിടുമ്പോഴും പ്രധാനമന്ത്രിയോടുള്ള സ്‌നേഹം രാജ്യത്തെ ഓരോ പൗരനും വര്‍ധിക്കുകയാണ്. അതേസമയം പട്ടികയില്‍ നാലാം സ്ഥാനത്ത് സുപ്രീം കോടതി ചീഫ് ജസ്റ്റിസ് ഡി വെ ചന്ദ്രചൂഡാണ്. അഞ്ചാം സ്ഥാനത്ത് വിദേശകാര്യമന്ത്രി എസ് ജയ്ശങ്കറും.
പട്ടികയില്‍ യു പി മുഖ്യമന്ത്രി യോഗി ആദിത്യനാഥും കേന്ദ്ര മന്ത്രിമാരായ രാജ്‌നാഥ് സിംഗ്, നിര്‍മല സീതാരാമന്‍, ബി ജെ പി അധ്യക്ഷന്‍ ജെ പി നദ്ദ, ആദാനി ഗ്രൂപ്പ് ചെയര്‍മാന്‍ ഗൗതം അദാനി, റിലയന്‍സ് ചെയര്‍മാന്‍ മുകേഷ് അംബാനി എന്നിവരും ഉള്‍പ്പെട്ടിട്ടുണ്ട്.
