ക്രിസ്റ്റ്യാനോ റൊണാള്‍ഡോക്കെതിരെ രൂക്ഷ വിമര്‍ശനവുമായി ഇറ്റാലിയുടെ മുന്‍ പരിശീലകന്‍ ഫാബിയോ കാപെല്ലോ. ട്വിറ്ററിലൂടെയായിരുന്നു അദ്ദേഹത്തിന്റെ വിമര്‍ശനം. ഖത്തര്‍ ലോകകപ്പില്‍ ബെഞ്ചിലിരിക്കേണ്ടി വന്നതിന്റെയും മാഞ്ചസ്റ്റര്‍ യുണൈറ്റഡുമായി ഉണ്ടായ തര്‍ക്കത്തെയും മുന്‍നിര്‍ത്തിയായിരുന്നു വിമര്‍ശനം.
തന്റെ കരിയര്‍ നശിപ്പിച്ച് ഈ രൂപത്തിലാക്കിയത് ക്രിസ്റ്റ്യാനോ തന്നെയാണ്. അദ്ദേഹം ഒരു വലിയ അഹങ്കാരിയാണ് ഒരു ക്ലബിനും അദ്ദേഹത്തെ ഉള്‍ക്കൊള്ളുവാന്‍ സാധിക്കില്ല. താന്‍ ക്രിസ്റ്റിയാനോ റൊണാള്‍ഡോയെ ചോദ്യം ചെയ്യുന്നില്ലെന്നും കാപെല്ലോ പറയുന്നു.
ലോകകപ്പ് മത്സരത്തില്‍ താരത്തെ ബെഞ്ചിലിരുത്തിയ പരിശീലകന്‍ ഫെര്‍ണാണ്ടോ സാന്റോസിനെതിരെ അമര്‍ഷം ഉയരുകയും പിന്നാലെ സ്ഥാനത്ത് നിന്നും നീക്കുകയും ചെയ്തിരുന്നു. അതേസമയം താരം എത് ക്ലബിന് വേണ്ടി കളിക്കും എന്ന കാര്യത്തില്‍ തീരുമാനം ആയിട്ടില്ല.
