ഇന്ത്യയില്‍ വളരെ പ്രശംസ നേടിയ ചിത്രമാണ് എസ് എസ് രാജമൗലിയുടെ സംവിധാനത്തില്‍ പുറത്തിറങ്ങിയ ആര്‍ ആര്‍ ആര്‍. ചിത്രത്തിന് രാജ്യാന്തര പുരസ്‌കാരങ്ങള്‍ അടക്കം ലഭിച്ചിരുന്നു. കഴിഞ്ഞ ദിവസമാണ് ചിത്രം ഗോള്‍ഡ് ഗ്ലോബ് അവാര്‍ഡ് നേടിയത്. ഇപ്പോഴിത വിഖ്യാത സംവിധായകന്‍ ജയിംസ് കാമറൂണ്‍ ആര്‍ആര്‍ആറിനെ അഭിനന്ദിച്ച് രംഗത്ത് എത്തിയിരിക്കുകയാണ്.
ചിത്രത്തിന്റെ സംവിധായകന്‍ രാജമൗലി തന്നെയാണ് ഇക്കാര്യം സോഷ്യല്‍ മീഡിയയിലൂടെ ആരാധകരെ അറിയിച്ചത്. ജെയിംസ് കാമറൂണ്‍ ആര്‍ആര്‍ആര്‍ കണ്ടു. അദ്ദേഹത്തിന് വളരെ ഇഷ്ടമായെന്നും, ചിത്രം ഭാര്യയോട് കാണുവാന്‍ നിര്‍ദ്ദേശിക്കുകയും ചെയ്തുവെന്നും. പിന്നീട് ഇരുവരും ഒരുമിച്ച് ആര്‍ ആര്‍ ആര്‍ വീണ്ടും കാണുകയും ചെയ്തുെന്ന് രാജമൗലി പറയുന്നു.
അദ്ദേഹത്തിന്റെ വിലപ്പെട്ട പത്ത് മിനുറ്റ് ഞങ്ങള്‍ക്കൊപ്പം നിന്ന് സിനിമയിലെ വിലയിരുത്താന്‍ താങ്കള്‍ സമയം ചെലവഴിച്ചുവെന്നത് എനിക്ക് ഇപ്പോഴും വിശ്വസിക്കാനാകുന്നില്ല. താങ്കള്‍ പറഞ്ഞതുപോലെ ഞാന്‍ ലോകത്തിന്റെ ഏറ്റവും ഉയരത്തിലാണ്. രണ്ടുപേര്‍ക്കും നന്ദി എന്നുമാണ് രാജമൗലി പറയുന്നു.
സംവിധായകന്‍ ജയിംസ് കാമറൂണിന് ഒപ്പമുള്ള ചിത്രം സോഷ്യല്‍ മീഡിയയില്‍ പങ്കുവെച്ചു കൊണ്ടായിരുന്നു രാജമൗലിയുടെ വാക്കുകള്‍. ആര്‍ ആര്‍ ആറിന്റെ സംഗീത സംവിധായകന്‍ കീരവാണിയും ഇക്കാര്യം സോഷ്യല്‍ മീഡിയയില്‍ പങ്കുവെച്ചു. ചിത്രത്തിലെ നാട്ടു നാട്ടു എന്ന ഗാനത്തിന് ഗോള്‍ഡന്‍ ഗ്ലോബ് പുരസ്‌കാരം ലഭിച്ചിരുന്നു. ആഗോള തലത്തില്‍ ചിത്രം ശ്രദ്ധിക്കപ്പെടുകയും ചെയ്തിരുന്നു.
