മോഹന്‍ലാല്‍ ജിത്തു ജോ,ഫ് കൂട്ടുകെട്ടില്‍ പുറത്തിറങ്ങിയ എല്ലാ ചിത്രങ്ങളും മികച്ച വിജയമാണ് നേടിയത്. ദൃശ്യം, ദൃശ്യം 2, 12 മാന്‍ എന്നി ചിത്രങ്ങള്‍ വന്‍ വിജയം നേടി. മോഹന്‍ലാല്‍ ജിത്തു ജോസഫ് കൂട്ടുകെട്ടില്‍ ഒരുങ്ങുന്ന പുതിയ ചിത്രമാണ് റാ. ഈ കൂട്ടുകെട്ടിലെ മുന്‍ സിനിമകള്‍ വലിയ വിജയം ആയിരുന്നതിനാല്‍ ആരാധകരും വലിയ പ്രതീക്ഷയിലാണ്.
ആക്ഷന്‍ ത്രില്ലര്‍ വിഭാഗത്തിലാണ് ചിത്രം ഒരുങ്ങുന്നത് എന്നാണ് വിവരം. നിരവധി പ്രമുഖര്‍ ചിത്രത്തില്‍ പ്രധാന കഥാപാത്രങ്ങളെ അവതരിപ്പിക്കും എന്നാണ് വിവരം.ഇപ്പോള്‍ ചിത്രത്തെക്കുറിച്ച് പുറത്ത് വരുന്ന പുതിയ വാര്‍ത്ത സിനിമ ആരാധകരെ കൊള്ളിക്കുകയാണ്. ചിത്രത്തിന്റെ ആദ്യ ഭാഗത്തിന്റെ കഥാ സംഗ്രഹമെന്ന പേരില്‍ ഒരു സ്‌ക്രീന്‍ഷോട്ട് പ്രചരിക്കുകയാണ് സോഷ്യല്‍ മീഡിയയില്‍. ഇതാണ് ആരാധകരെ ആവേശത്തിലാക്കുന്നത്.
ചിത്രത്തില്‍ റാം മോഹന്‍ എന്ന് പേരില്‍ ഒരു മുന്‍ റോ ഉദ്യോഗസ്ഥന്റെ വേഷത്തിലാണ് മോഹന്‍ലാല്‍ എത്തുന്നതെന്നാണ് സൂചന. ഒരു പ്രത്യേക ദൗത്യത്തിന് ശേഷം മോഹന്‍ലാലിന്റെ കഥാപാത്രം അപ്രത്യക്ഷനാകുന്നു. എന്നാല്‍ റാമിന്റെ സേവനം ഒരു ഘട്ടത്തില്‍ ഇന്റലിജന്‍സ് ഏജന്‍സിക്ക് ആവശ്യമായി വരുന്നു.
ലോകത്തിലെ എല്ലാ രാജ്യങ്ങള്‍ക്കും ഭാക്ഷണിയാകുന്ന തരത്തില്‍ ആണവായുധം തീവ്രവാദ സംഘടനുടെ കൈവശം എത്തുന്നു. ഇത് കൈവശം വെച്ച് ബേല്‍ എന്ന തീവ്രവാദ സംഘടനയെ നേരിടാനാണ് റോ റാം മോഹനെ വീണ്ടും എത്തിക്കുന്നത്. തുടര്‍ന്നുണ്ടാകുന്ന സംഭവ വികസങ്ങള്‍ ആണ് സിനിമയുടെ കഥ എന്നാണ് പ്രചരിക്കുന്ന സ്‌ക്രീന്‍ ഷോട്ടില്‍ പറയുന്നത്.
പുറത്ത് വന്ന ഈ വിവരങ്ങള്‍ തന്നെയാണ് കഥയെന്ന് തീര്‍ച്ചയില്ല. ഇതില്‍ ഔദ്യോഗിക സ്ഥിരീകരണം ഒന്നും ലഭിക്കാത്തതാണ് ഇതിന് കാരണം. എന്തായാലും സിനിമ, പ്രേക്ഷകരെ നിരാശ പെടുത്തില്ല എന്ന കാര്യത്തില്‍ മോഹന്‍ലാല്‍ ആരാധകര്‍ ഫുള്‍ കോണ്‍ഫിഡന്‍സില്‍ ആണ്. അതേസമയം മോഹന്‍ലാല്‍ നായകനായി ഷാജി കൈലാസ് സംവിധാനം ചെയ്ത എലോണ്‍ വന്‍ പരാജയം ആയിരുന്നു.
