തൃശൂര്‍. ഓടിക്കൊണ്ടിരുന്ന കെ എസ് ആര്‍ ടി സി ബസിന് തീപിടിച്ചു. പുഴയ്ക്കലില്‍ വെച്ച് നിലമ്പൂര്‍ കോട്ടയം സൂപ്പര്‍ ഫാസ്റ്റിനാണ് തീപിടിച്ചത്. നാട്ടുകാരുടെ നേതൃത്വത്തില്‍ തീ അണച്ചതിനാല്‍ വന്‍ അപകടം ഒഴിവാകുകയായിരുന്നു. നിലമ്പൂരില്‍ നിന്നും കോടയത്തേക്ക് പോകുകയായിരുന്നു ബസ്. തീ ശ്രദ്ധയില്‍ പെട്ടതോടെ ഡ്രൈവര്‍ സജീവ് വണ്ടി നിര്‍ത്തുകയായിരുന്നു. ഉടന്‍ തന്നെ യാത്രക്കാരെ പുറത്തിറക്കി.
തുടര്‍ന്ന് ബസില്‍ സൂക്ഷിച്ചിരുന്ന ഫയര്‍ എക്സ്റ്റിങ്യൂഷര്‍ ഉപയോഗിച്ചു. പിന്നീട് അഗ്നിരക്ഷാ സേനയെ വിവരം അറിയിച്ചതിന്റെ അടിസ്ഥാനത്തില്‍ രണ്ട് യൂണിറ്റ് ഫയര്‍ എന്‍ജിന്‍ എത്തി. തുടര്‍ന്ന് വാഹനത്തിന്റെ ബാറ്ററി ഊരിമാറ്റി വെള്ളം പമ്പ് ചെയ്യുകയായിരുന്നു.
