Author: Updates
സിനിമകള്‍ കാണുവാന്‍ തിയറ്ററുകളിലേക്ക് പോകുന്നതിന് മുമ്പ് പ്രേക്ഷകരുടെ പ്രതികരണം നോക്കാറുള്ളവരാണ് എല്ലാവരും എന്നാല്‍ ചില ഓണ്‍ലൈന്‍ ചാനലുകളില്‍ നിന്നും നെഗറ്റീവ് റിവ്യൂകളാണ് കാണുക. ഇത് വലിയ തോതില്‍ ചര്‍ച്ചയാകുകയും ചെയ്യുന്നുണ്ട്. ഒരു കൂട്ടര്‍ അഭിപ്രായ സ്വാന്ത്ര്യം എന്ന് പറയുമ്പോള്‍ ഇത്തരത്തില്‍ നെഗറ്റീവ് റിവ്യൂകള്‍ സിനിമ മേഖലയ്ക്ക് ഏല്‍പ്പിക്കുന്ന ആഘാതം വളരെ വലുതാണ്. ഇത്തരത്തില്‍ ചര്‍ച്ചകള്‍ നടക്കുന്നതിനിടെ തിയറ്ററുകളില്‍ പ്രേക്ഷകരുടെ അഭിപ്രായം ചോദിക്കുന്ന പരിപാടിക്ക് സിനിമാ സംഘടനകള്‍ വിലക്കേര്‍പ്പെടുത്തിയതായി സോഷ്യല്‍ മീഡിയയില്‍ പ്രചരണം നടന്നിരുന്നു. എന്നാല്‍ ഇത്തരത്തില്‍ പുറത്ത് വരുന്ന വാര്‍ത്തകള്‍ തെറ്റാണെന്ന് തുറന്ന് പറഞ്ഞിരിക്കുകയാണ് സംവിധായകന്‍ ബി ഉണ്ണികൃഷ്ണന്‍. മമ്മൂട്ടിയുടെയും മോഹന്‍ലാലിന്റെയും ചിത്രങ്ങള്‍ ഈ ആഴ്ച തിയറ്ററുളില്‍ എത്തുന്നുണ്ട്. തന്റെ പുതിയ സിനിമയായ ക്രിസ്റ്റഫറിനെ തകര്‍ക്കുവാന്‍ വേണ്ടിയുള്ള ശ്രമമാണ് നടക്കുന്നതെന്നും ബി ഉണ്ണി കൃഷ്ണന്‍ പറയുന്നു. മമ്മൂട്ടി പ്രധാന വേഷത്തില്‍ എത്തുന്ന ക്രിസ്റ്റഫര്‍ റിലീസ് ചെയ്യുവാന്‍ രണ്ട് ദിവസം മാത്രം ബാക്കി നില്‍ക്കെയാണ് ഇത്തരം വാര്‍ത്തകള്‍ പുറത്ത് വരുന്നത്. തിയറ്റര്‍ ഓണേര്‍സ്…
ആദ്യ പരീക്ഷണത്തില്‍ കണ്ടെത്തിയ പിഴവുകള്‍ പരിഹരിച്ച് എസ് ആര്‍ ഒയുടെ ചെറിയ ഉപഗ്രഹ വിക്ഷേപണ റോക്കറ്റ് എസ് എസ് എല്‍ വി ഡി-2 വീണ്ടും കുതിച്ചുയരും. 10ന് രാവിലെ 9.18ന് ശ്രീഹരിക്കോട്ടയില്‍ നിന്നുമാണ് വിക്ഷേപണം. എസ് എസ് എല്‍ വി ഡി-2 ഇന്ത്യയുടെ ഭൗമ നിരീക്ഷണ ഉപഗ്രഹം ഇ ഒ എസ് 07, വിദ്യാര്‍ത്ഥികളുടെ കമ്മ്യൂണിക്കേഷന്‍ നാനോ ഉപഗ്രഹം ആസാദി സാറ്റ് 2, യു എസില്‍ നിന്നുള്ള ആന്താരിസ് എന്ന കമ്പനിയുടെ ചെറിയ ഉപഗ്രഹം ജാനസ് 01 എന്നിവ ഭൂമിയില്‍ നിന്ന് 450കിലോമീറ്റര്‍ ഉയരത്തിലുള്ള ഭ്രമണപഥത്തില്‍ വിക്ഷേപിക്കുകയാണ് ദൗത്യം. പരീക്ഷണ ദൗത്യത്തില്‍ ഉപഗ്രഹങ്ങളുടെ മൊത്തം ഭാരം 334കിലോഗ്രാം. റോക്കറ്റിന്റെ മൂന്നാം സ്റ്റേജിലുണ്ടായ കുലുക്കവും അതുമൂലം ഗതി നിയന്ത്രണ സംവിധാനത്തിലുണ്ടായ മാറ്റവുമാണ് ആദ്യ ദൗത്യം പരാജയപ്പെടാന്‍ കാരണം. ഇതെല്ലാം പരിഹരിച്ചാണ് രണ്ടാം വിക്ഷേപണം. കഴിഞ്ഞ വര്‍ഷം ആഗസ്റ്റ് 7നായിരുന്നു ആദ്യ വിക്ഷേപണം. 10 മുതല്‍ 500 കിലോ വരെ ഭാരമുള്ള ചെറു ഉപഗ്രഹങ്ങള്‍…
ന്യൂഡല്‍ഹി. റിസര്‍വ് ബാങ്ക് ബാങ്കുകള്‍ക്ക് നല്കുന്ന ഹ്രസ്വകാല വായ്പകളുടെ പലിശ നിരക്ക് കൂട്ടി. റീപ്പോ നിരക്ക് 0.25 ശതമാനമാണ് റിസര്‍വ് ബാങ്ക് ഉയര്‍ത്തിയത്. ഇതോടെ പലിശ നിരക്ക് 6.5 ശതമാനത്തിലെത്തി. ഇത് ഭവന, വാഹന, വ്യക്തിഗത വായ്പകളുടെ പലിശ കൂടുന്നതിന് കാരണമാകും. ആര്‍ ബി ഐയുടെ നടപടിയെ തുടര്‍ന്ന് വായ്പകളുടെ പ്രതിമാസ തിരിച്ചടവോ തിരിച്ചടവ് കാലയളവോ വര്‍ധിക്കും. അതേസമയം ബാങ്കുകളിലെ സ്ഥിര നിക്ഷേപ പലിശയും ഉയരുവാന്‍ സാധ്യതയുണ്ട്. കഴിഞ്ഞ 9 മാസത്തിനിടെ 6-ാം തവണയാണ് പലിശ നിരക്ക് ഉയരുന്നത്. റിസര്‍വ് ബാങ്ക് പണനയസമിതി യോഗത്തിന് പിന്നാലെയാണ് ആര്‍ ബി ഐ ഗവര്‍ണര്‍ ശക്തികാന്ത ദാസ് പുതിയ പലിശ നിരക്കുകള്‍ പ്രഖ്യാപിച്ചത്.
മികച്ച വേഷങ്ങളിലൂടെ മലയാളികളുടെ ഇഷ്ടം നേടി എടുത്ത നടനാണ് ഉണ്ണി മുകുന്ദന്‍. സിനിമ പാരമ്പര്യവുമായി എത്തുന്നവര്‍ വാഴുന്ന മലയാള സിനിമ മേഖലയില്‍ ഒരു പാരമ്പര്യത്തിന്റെയും പിന്തുണയില്ലാതെ മലയാള സിനിമയില്‍ എത്തിയ വ്യക്തിയാണ് ഉണ്ണി മുകുന്ദന്‍. മുന്‍നിര നിര്‍മാതാവ് കൂടിയായ ഉണ്ണി മുുന്ദന്‍ ഇന്ന് മലയാളത്തിലെ ഏറ്റവും ആരാധകരുള്ള നടന്മാരില്‍ ഒരാളാണ്. ഉണ്ണി മുുന്ദന്‍ നിര്‍മിച്ച രണ്ട് ചിത്രങ്ങള്‍ മലയാളത്തില്‍ വലിയ വിജയം നേടി. ഇപ്പോള്‍ അദ്ദേഹത്തിന്റെ മളികപ്പുറം എന്ന ചിത്രം മികച്ച വിജയം നേടുകയും 100 കോടി ക്ലബില്‍ ഇടം നേടുകയും ചെയ്തു. ഒട്ടും പ്രതീക്ഷകള്‍ ഇല്ലാതെ ഇറങ്ങിയ ചിത്രമായിരുന്നു മാളികപ്പുറം തുടക്കത്തില്‍ ചിത്രത്തിനെതിരെ നിരവധി വിമര്‍ശനങ്ങള്‍ ഉണ്ടായിരുന്നു. എന്നാല്‍ പിന്നീട് കണ്ടത് ഉണ്ണി മുകുന്ദന്റെ വിജയം തന്നെയായിരുന്നു. അതേസമയം ഷാമില സയ്യിദ് അലി ഫാത്തിമ എന്ന യുവതി ഉണ്ണി മുകുന്ദനെ കുറിച്ച് ഫേസ്ബുക്കില്‍ പങ്കുവെച്ച വാക്കുകള്‍ ഇപ്പോള്‍ വലിയ ചര്‍ച്ചയായിരിക്കുകയാണ്. തന്നെ സ്വപ്‌നം കാണുവാന്‍ പഠിപ്പിച്ചത് ഉണ്ണി മുുന്ദനാണെന്ന് ഷാമില…
തെങ്ങ് കേരളത്തിന്റെ സംസ്ഥാന വൃക്ഷമാണ്. നാം തെങ്ങിന്റെ പല ഉത്പന്നങ്ങളും ഉപയോഗിക്കുന്നുണ്ട്. എന്നാല്‍ തെങ്ങിന്റെ ചിരട്ടയില്‍ നിന്നും വിത്യസ്തമായ കരകൗശല വസ്തുക്കള്‍ ഉണ്ടാക്കി വിജയം നേടിയിരിക്കുകയാണ് മരിയ കുര്യാക്കോസ് എന്ന ചെറുപ്പക്കാരി. കുട്ടിക്കാലം മുതല്‍ ബിസിനസ്സില്‍ താല്‍പര്യം ഉണ്ടായിരുന്ന മരിയ 2019ലാണ് തന്റെ സംരംഭമായ തേങ്ങ ആരംഭിക്കുന്നത്. മരിയ ചിരട്ടയില്‍ നിന്നും സ്പൂണ്‍, ഫോര്‍ക്ക്, ചെടിച്ചട്ടി, മൊബൈല്‍ ഹോള്‍ഡര്‍, ക്ലോക്ക് തുടങ്ങി നിരവധി ഉത്പന്നങ്ങളാണ് നിര്‍മിക്കുന്നത്. ചിരട്ടയുടെ ഉപയോഗം തന്നെ മാറ്റിയെടുക്കുവനാണ് ഈ സംരംഭ ശ്രമിക്കുന്നത്. സംരംഭം ആരംഭിക്കുമ്പോള്‍ കോക്കനട്ട് ബൗളുകളാണ് പുറത്തിറക്കിയത്. പിന്നീട് വിപണിയില്‍ വലിയ വിജയ നേടുവാന്‍ തേങ്ങയ്ക്ക് സാധിച്ചത് കോക്കനട്ട് ബൗളിലൂടെയാണ്. വിജയം കണ്ടതോടെ ചിരട്ട ഉപയോഗിച്ച് ഉത്പന്നങ്ങള്‍ നിര്‍മിക്കുന്ന കലാകാരന്മാരെ കണ്ടെത്തി അവരുമായി ചേര്‍ന്ന് പ്രവര്‍ത്തിക്കുവാന്‍ ആരംഭിച്ചു. തേങ്ങ സ്വന്തമായി നിര്‍മിക്കുന്ന വസ്തുക്കള്‍ക്ക് പുറമേ പുറത്ത് നിര്‍മിക്കുന്ന ഉത്പന്നങ്ങളും വിപണനം ചെയ്യുന്നു. നിലവില്‍ 12 ജില്ലകളിലായി നിരവധി പേരാണ് തേങ്ങയുടെ ഭാഗമായി പ്രവര്‍ത്തിക്കുന്നത്. സംരംഭകയാകണം എന്ന…
മലയാളത്തിലെ മികച്ച യുവ നടിമാരില്‍ ഒരാളാണ് സംയുക്ത മേനോന്‍. തീവണ്ടി എന്ന ചിത്രത്തിലൂടെ സിനിമയിലെത്തി പിന്നീട് നിരവധി മികച്ച ചിത്രങ്ങളില്‍ സംയുക്ത അഭിനയിച്ചു. മലയാളത്തില്‍ നിന്നും നടി തമിഴ് സിനിമയിലേക്ക് എത്തിയിരിക്കുകയാണ്. ധനുഷിനൊപ്പം അഭിനയിക്കുവാന്‍ സാധിച്ചതിന്റെ സന്തോഷത്തിലാണ് സംയുക്ത. എന്നാല്‍ ഈ സന്തോഷത്തിനിടയിലും സംയുക്ത തന്റെ പേരില്‍ ഒരു മാറ്റം വരുത്തിയിരിക്കുകയാണ്. തന്റെ പേരിനൊപ്പം ചേര്‍ത്തിരുന്ന ജാതിപ്പേരാണ് സംയുക്ത എടുത്ത് മാറ്റിയത്. ഇത്തരത്തില്‍ ജാതിപ്പേര് ചേര്‍ക്കുന്നത് തനിയ്ക്ക് ഇഷ്ടമുള്ള കാര്യമല്ല എന്ന് സംയുക്ത തുറന്ന് പറഞ്ഞു. അതുകൊണ്ട് മേനോന്‍ എന്ന ജാതിപ്പേര് എടുത്ത് മാറ്റുകയാണ്. സിനിമയിലേക്ക് താന്‍ വരുമ്പോള്‍ എന്റെ അതേ പേരില്‍ നേരത്തെ എസ്റ്റാബ്ലിഷ് ആയ ഒരു നടി ഉള്ളത് കൊണ്ട് മേനോന്‍ ചേര്‍ക്കാതെ നിര്‍വ്വാഹമില്ലായിരുന്നു. അതുകൊണ്ടാണ് സംയുക്ത മേനോന്‍ എന്ന് തന്നെ പറഞ്ഞത്. ഇനി അത് വേണ്ട എന്നാണ് നടി പറയുന്നത്. നടി നടന്മാരില്‍ പലരും പേരിനൊപ്പം ജാതി പേര് ചേര്‍ക്കാറുണ്ട്. എന്നാല്‍ ചിലര്‍ അത് ഇഷ്ടപ്പെടാറില്ല. മുമ്പ്…
തിരുവനന്തപുരം. റിസോര്‍ട്ട് വിവാദത്തില്‍ പ്രതികരണവുമായി ചിന്ത ജെറോം. കോവിഡ് കാലത്ത് അമ്മയ്ക്ക് സ്‌ട്രോക്ക് വന്നിരുന്നു. അതിനാല്‍ തന്റെ അമ്മയുടെ ചികിത്സയ്ക്കാണ് അവിടെ താമസിച്ചതെന്ന് ചിന്ത വിവാദത്തോട് പ്രതികരിച്ചു. അമ്മയെ വീട്ടില്‍ തനിച്ചാക്കി പോകുവാന്‍ സാധിക്കാത്ത അവസ്ഥയാണ്. തന്നെ ഈ കാര്യത്തില്‍ വിമര്‍ശിക്കുന്നവര്‍ അവസ്ഥ മനസിലാക്കണമെന്ന് ചിന്ത പ്രതികരിച്ചു. അതേസമയം വിവാദ റിസോര്‍ട്ടിലേക്ക് കോണ്‍ഗ്രസ് പ്രവര്‍ത്തകര്‍ മാര്‍ച്ച് നടത്തി. കൊല്ലം തങ്കശേരിയില്‍ പ്രവര്‍ത്തിക്കുന്ന റിസോര്‍ട്ടിലാണ് ചിന്ത ജെറോം താമസിക്കുന്നത്. ചിന്ത ജെറോം വേഗത്തില്‍ യുവജന കമ്മീഷന്‍ അധ്യക്ഷ സ്ഥാനം രാജിവയ്ക്കണമെന്നും റിസോര്‍ട്ടില്‍ ചിന്ത നടത്തിയ ഇടപാടുകള്‍ പരിശോധിക്കണമെന്നും കോണ്‍ഗ്രസ് ആവശ്യപ്പെട്ടു.
യു എസ് ആസ്ഥാനമായി പ്രവര്‍ത്തിക്കുന്ന ഹിന്‍ഡന്‍ബര്‍ഗ് റിപ്പോര്‍ട്ടിനെ തുടര്‍ന്ന് പ്രതിസന്ധിയിലായ അദാനി ഗ്രൂപ്പ് തിരിച്ച് വരവിന്റെ പാതയില്‍. അദാനി ഗ്രൂപ്പ് പണയം വെച്ച ഓഹരികള്‍ തിരിച്ച് വാങ്ങിയതോടെയാണ് ഓഹരി വിപണിയില്‍ വീണ്ടും അദാനി മുന്നേറ്റം നടത്തിയത്. പണയം വെച്ച ഓഹരികള്‍ തിരിച്ച് വാങ്ങുവാന്‍ 9,100 കോടിയാണ് അദാനി മുടക്കിയത്. അദാനിയുടെ ഈ നടപടി നിക്ഷേപകര്‍ക്ക് ഗ്രൂപ്പില്‍ കൂടുതല്‍ വിശ്വാസ്യത ലഭിക്കുവാന്‍ കാരണമായതായിട്ടാണ് റിപ്പോര്‍ട്ട്. ചെറുകിട നിക്ഷേപകര്‍ക്കും അദാനി ഓഹരികളില്‍ ബോധ്യവും വിശ്വാസ്യതയും കൂടുതല്‍ ലഭിച്ചതായിട്ടാണ് പുറത്ത് വരുന്ന റിപ്പോര്‍ട്ടുകള്‍ സൂചിപ്പിക്കുന്നത്. അദാനി എന്റര്‍പ്രൈസസിന്റെ ഓഹരി വിലയില്‍ 230 രൂപയുടെ വര്‍ധവാണ് ഉണ്ടായത്. അദാനി പോര്‍ട്ടിന്റെ ഓഹരിവില രണ്ട് ശതമാനം വര്‍ധിച്ച് 555 രൂപയിലെത്തി. അദാനി ഗ്രൂപ്പിന്റെ ഉടമസ്ഥതയിലുള്ള എന്‍ ഡി ടി വിയുടെ ഓഹരിവിലയിലും വര്‍ധനവ് കണ്ടു. ഹിന്‍ഡന്‍ ബര്‍ഗിന്റെ ആരോപണം അദാനി ഗ്രൂപ്പ് ഓഹരിയുടെ മൂല്യം കൃത്രിമമായി കൂട്ടിയ ശേഷം അത് വന്‍ തുകയ്ക്ക് പണയപ്പെടുത്തി പണം സമാഹരിക്കുന്നു എന്നാണ്.…
ന്യൂഡല്‍ഹി. ബി ജെ പി നേതാവായ അഭിഭാഷക എന്‍ സി വിക്ടോറിയ ഗൗരിയെ മദ്രാസ് ഹൈക്കോടതി ജഡ്ജിയായി നിയമിക്കുന്നതിനെതിരെ നല്‍കിയ ഹര്‍ജി സുപ്രീംകോടതി തള്ളി. രാഷ്ട്രീയ ചായ്വുള്ളവര്‍ മുന്‍പും നിയമിച്ചിട്ടുണ്ടെന്ന് സുപ്രീംകോടതി വ്യക്തമാക്കി. വിക്ടോറിയ ഗൗരി സത്യപ്രതിജ്ഞ ചെയ്യുന്നതിന് മുമ്പ് ഹര്‍ജി കോടതി പരിഗണിച്ചു. ജസ്റ്റിസ് വി ആര്‍ കൃഷ്ണയ്യര്‍ ജഡ്ജിയായിരുന്നില്ലേ എന്ന് സുപ്രീംകോടതി ചോദിച്ചു. ജസ്റ്റിസ് സഞ്ജീവ് ഖന്ന, ജസ്റ്റിസ് ബി ആര്‍ ഗവായി എന്നിവരാണ് ഹര്‍ജി പരിഗണിച്ചത്. തനിക്ക് രാഷ്ട്രീയ ചായ്വ് ഉണ്ടായിരുന്നുവെന്ന് ബി ആര്‍ ഗവായി കൂട്ടിചേര്‍ത്തു. കൊളീജിയം തീരുമാനം റദ്ദാക്കുവാന്‍ സാധിക്കില്ല. തീരുമാനം പുനപരിശോധിക്കുന്നത് പ്രശ്‌നങ്ങള്‍ക്ക് കാരണമാകുമെന്നും കോടതി നിരീക്ഷിച്ചു. യോഗ്യത പരിശോധിക്കുവാന്‍ മാത്രമാണ് കോടതിക്ക് കഴിയുക. അതേസമയം വിക്ടോറിയ ഗൗരിയുടെ നിയമനത്തെ എതിര്‍ക്കുന്നത് രാഷ്ട്രീയ കാരണത്താല്‍ അല്ലെന്നും വിദ്വേഷ പ്രസംഗത്തിന്റെ പശ്ചാത്തലത്തിലാണെന്നും ഹര്‍ജിക്കാര്‍ കോടതിയെ അറിയിച്ചു. കേന്ദ്രസര്‍ക്കാര്‍ വിക്ടോറിയ ഗൗരിയുടെ നിയമനത്തിന് അനുമതി നല്‍കിയിന് പിന്നാലെ വിവിധ കോണുകളില്‍ നിന്നും കത്ത പ്രതിഷേധമാണ് ഉണ്ടായത്.…
സ്‌കൂള്‍ മുറ്റത്ത് വിദ്യാര്‍ഥികളുടെ നേതൃത്വത്തില്‍ നടത്തിയ പച്ചക്കറി കൃഷിയില്‍ മികച്ച വിളവ്. വയനാട് ജില്ലയിലെ പിണങ്ങോട് സര്‍ക്കാര്‍ അപ്പര്‍ പ്രൈമറി സ്‌കൂളിലെ വിദ്യാര്‍ഥികളുടെ നേതൃത്വത്തിലാണ് പച്ചക്കറി കൃഷി നടത്തിയത്. തക്കാളി, കാബേജ്, പച്ചമുളക്, പയര്‍ എന്നിവയാണ് കുട്ടികള്‍ കൃഷി ചെയ്തത്. പൊഴുതന കൃഷിഭവന്‍ ഉദ്യോഗസ്ഥരുടെ സഹായത്തോടെയായിരുന്നു കൃഷി. കൃഷി ആരംഭിക്കുമ്പോള്‍ കീടനാശിനി രഹിത ഫാമായി പൂത്തുലയുമെന്ന് വിദ്യാര്‍ഥികളും അധ്യാപകരും കരുതിയിരുന്നില്ല. കൃഷിയില്‍ വിദ്യാര്‍ഥികളുടെ താല്‍പര്യം കൂട്ടുന്നതിന്റെ ഭാഗമായിട്ടാണ് കൃഷി ആരംഭിച്ചത്. ഒപ്പം ലഭ്യമായ സ്ഥലത്ത് കൃഷി വിജയകരമായി നടത്താമെന്ന് ലോകത്തിന് കാണിച്ച് കൊടുത്ത വിദ്യാര്‍ഥികള്‍ക്ക് കൃഷി തോട്ടം പുതിയ ഒരു പഠനാനുഭവമായി. വിളവെടുപ്പിന് തയ്യാറായി നില്‍ക്കുന്ന കൃഷിയിടം പരിപാലിക്കുന്നത് വിദ്യാര്‍ഥികളുടെ നേതൃത്വത്തിലാണ്. കൃഷി ഓഫീസര്‍ അമല്‍ വിജയിന്റെ നേതൃത്വത്തിലാണ് കൃഷി നടത്തിയത്. ഇപ്പോള്‍ വിളവെടുപ്പിന് പാകമായ പച്ചക്കറികള്‍ വിളയിച്ചെടുക്കാന്‍ വിദ്യാര്‍ഥികള്‍ക്ക് മൂന്ന് മാസമേ വേണ്ടിവന്നുള്ളൂ. ഉച്ചഭക്ഷണ പരിപാടിയുടെ ഭാഗമായി വിദ്യാര്‍ത്ഥികള്‍ക്ക് ഭക്ഷണം തയ്യാറാക്കുന്നതിന് സ്‌കൂള്‍ അധികൃതര്‍ പച്ചക്കറികള്‍ ഉപയോഗിക്കും. മൂന്ന് സ്‌കൂളുകളില്‍…