Author: Updates
തൃഷയുടെ വിവാഹം സംബന്ധിച്ച് പുറത്തുവരുന്ന വാര്‍ത്തകളോട് പ്രതികരിച്ച് നടി. വാര്‍ത്തകള്‍ തെറ്റാണെന്നും ദയവായി വ്യാജ വാര്‍ത്തകള്‍ പ്രചരിപ്പിക്കുന്നത് അവസാനിപ്പിക്കണമെന്നും തൃഷ പറയുന്നു. മലയാളിയായ നിര്‍മാതാവുമായി തൃഷയുടെ വിവാഹം നടക്കുമെന്നായിരുന്നു പുറത്തുവന്നിരുന്ന വാര്‍ത്തകള്‍. ഡിയര്‍ നിങ്ങള്‍ ആരാണെന്നും നിങ്ങളുടെ ടീം ആരാണെന്നും നിങ്ങള്‍ക്ക് അറിയാം. കിംവദന്തികള്‍ അവസാനിപ്പിക്കു, ദയവായി ശാന്തരായി ഇരിക്കുക എന്നും നടി എക്‌സ് പ്ലാറ്റ്‌ഫോമില്‍ കുറിച്ചു. മുമ്പും തൃഷയുടെ വിവാഹം സംബന്ധിച്ച വാര്‍ത്തകള്‍ പുറത്തുവന്നിരുന്നു. 2015ല്‍ വ്യവസായിയായ വരുണ്‍ മണിയുമായി തൃഷയുടെ വിവാഹ നിശ്ചയം കഴിഞ്ഞിരുന്നു. എന്നാല്‍ പിന്നീട് ഇരുവരും വേര്‍ പിരിയുകയായിരുന്നു. മണിരത്‌നത്തിന്റെ പൊന്നിയന്‍ സെല്‍വനിലാണ് തൃഷ അവസാനമായി അഭിനയിച്ചത്. ദി റോഡ് എന്ന തമിഴ് ചിത്രമാണ് തൃഷയുടെയാതി പുറത്തിറങ്ങുന്ന പുതിയ ചിത്രം. ലോകേഷ് കനകരാജ് സംവിധാനം ചെയ്യുന്ന ലിയോയിലും തൃഷയാണ് നായിക. ഒക്ടോബര്‍ 19ന് ചിത്രം റിലീസ് ചെയ്യും.
ചന്ദ്രനില്‍ വീണ്ടും സൂര്യന്‍ ഉദിച്ചതോടെ ഉറക്കം വിട്ട് പ്രഗ്യാന്‍ റോവറും വിക്രം ലാന്‍ഡറും ഉണരുമെന്ന പ്രതീക്ഷയിലാണ് രാജ്യം. വ്യാഴാഴ്ചയോ വെള്ളിയാഴ്ചയോ ലാന്‍ഡറും റോവറും പ്രവര്‍ത്തിച്ച് തുടങ്ങുമെന്നാണ് ഇസ്രോ കരുതുന്നത്. അതേസമയം ലാന്‍ഡറും റോവറും ഒന്നിച്ച് ഉണരുമെന്നും രണ്ടും പ്രവര്‍ത്തിച്ച് തുടങ്ങുമെന്നും ശാസ്ത്ര ലോകം കരുതുന്നില്ല. രണ്ടില്‍ ഒന്ന് എങ്കിലും ഉണര്‍ന്ന് പ്രവര്‍ത്തിച്ചാല്‍ തന്നെ ഇന്ത്യയുടെ ശാസ്ത്ര മികവിന് വലിയ അംഗീകാരമാണ് ലഭിക്കുക. 14 ഭൗമ ദിവസമാണ് ചന്ദ്രനിലെ ഒരു പകല്‍. അതിനാല്‍ തന്നെ സൗരോര്‍ജ്ജത്തില്‍ പ്രവര്‍ത്തിക്കുന്ന റോവറിനും ലാന്‍ഡറിനും ആവശ്യത്തിന് സൂര്യപ്രകാശം ലഭിച്ചാല്‍ മാത്രമാണ് പ്രവര്‍ത്തിക്കാന്‍ സാധിക്കു. നിര്‍മ്മിക്കുമ്പോള്‍ ചന്ദ്രനിലെ ഒരു പകല്‍ സമയം മാത്രം പ്രവര്‍ത്തിക്കുക എന്ന ലക്ഷ്യത്തോടെയായിരുന്നു നിര്‍മാണം. അതിനാല്‍ തന്നെ ചന്ദ്രനിലെ ഒരു പകല്‍ സമയം കൊണ്ട് ശേഖരിക്കാന്‍ സാധിക്കുന്ന ഡേറ്റയുടെ ഒരു വലിയ ശേഖരം തന്നെ ലാന്‍ഡറും റോവറും ശേഖരിച്ച് ഭൂമിയിലേക്ക് അയച്ചിരുന്നു. ലാന്‍ഡറിനെയും റോവറിനെയും സൂര്യാസ്തമയത്തേക്കാള്‍ മുമ്പ് സ്ലീപ്പ് മോഡിലേക്ക് മാറ്റിയത് തന്നെ വീണ്ടും…
പതിറ്റാണ്ടിന്റെ സ്വപ്നം ആയ ഇന്ത്യയിലെ ഏറ്റവും നീളമേറിയ കടൽപ്പാലത്തിന്റെ നിർമാണം പൂർത്തിയാക്കി വരുകയാണ്. 17,843 കോടി രൂപയുടെ മുതൽ മുടക്കിൽ അഞ്ച് വർഷക്കാലത്തെ നിർമാണ പ്രനർത്തനങ്ങൾക്ക് ഒടുവിലാണ് മുംബൈ ട്രാൻസ് ഹാർബർ ലിങ്ക് എന്ന പദ്ധതി യാഥാർത്യമാകുന്നത്. മുംബൈ ട്രാൻസ് നഗരത്തെ നവിമുംബൈയുമായി ബന്ധിപ്പിക്കുന്നതാണ് പദ്ധതി. നിലവിൽ മുംബൈയിൽ നിന്നും നവി മുംബൈലേക്കു ഉള്ള യാത്രയ്‌ക്ക്‌ മൂന്നര മണിക്കൂറോളം സമയം എടുക്കും. അത്യാധുനിക സാങ്കേതികവിദ്യ ഉപയോഗിച്ച് നിർമിച്ച പാലം ഗതാഗതത്തിന് തുറന്നുകൊടുക്കുന്നതോടെ ഈ സമയം 20 മിനിറ്റായി ചുരുങ്ങും. പാലത്തിലൂടെ മണിക്കൂറിൽ 100 കിലോ മീറ്റർ വേഗത്തിൽ സഞ്ചരിക്കാം 21.8 കിലോമീറ്ററിൽ ആറുവരിപാത. അതിൽ 16.5 കിലോ മീറ്ററും കടലിനു മുകളിലൂടെയാണ്. ആകെ 2200 തൂണുകൾക്ക് മുകളിലാണ് പാലം സ്ഥിതിചെയ്യുന്നത്. ഓരോ തൂണും പടുത്തുയർത്തുന്നത് കടലിന്റെ 25 മീറ്റർ ആഴത്തിൽനിന്നാണ് കടൽജീവജാലങ്ങൾക്ക് നാശം സംഭവിക്കാതിരിക്കാൻ റിവർ സർക്കുലർ മെഷീൻ ഉപയോഹിച്ചാണ് നിർമിച്ചിരിക്കുന്നത് 27 മീറ്റർ വീതിയുണ്ട്. ആകെ 70 ഓർത്തോട്രോഫിക് സ്റ്റീൽ…
ലോകത്തിന്റെ വളര്‍ച്ചയ്ക്ക് ഏറ്റവും അത്യാവശം വേണ്ട ഒന്നാണ് ഊര്‍ജം. പരമ്പരാഗത ഊര്‍ജങ്ങളെ മാറ്റി നിര്‍ത്തിക്കൊണ്ട് സൗരോര്‍ജത്തിന്റെ ലഭ്യത മെച്ചപ്പെടുത്താന്‍ ലോകത്തിന് മുന്നില്‍ പ്രധാനമന്ത്രി നരേന്ദ്ര മോദി അവതരിപ്പിച്ച പദ്ധതിയാണ് ഒരു സൂര്യന്‍, ഒരു ലോകം, ഒരു ഗ്രിഡ്. ഡല്‍ഹിയില്‍ നടന്ന ജി 20 യോഗത്തിലാണ് ലോകനേതാക്കള്‍ക്ക് മൂന്നില്‍ അദ്ദേഹം ഈ പദ്ധതിയയുടെ ആശയം മുന്നോട്ട് വെച്ചിരുന്നു. 2021 നവംബറിലാണ് പദ്ധതി ആദ്യമായി ഐക്യരാഷ്ട്ര സഭയില്‍ ചര്‍ച്ച ചെയ്തത്. ലോകത്തിന് മുഴുവന്‍ ശുദ്ധവും ഹരിതവുമായ ഭാവി ഉണ്ടാകണമെങ്കില്‍ പരസ്പര ബന്ധിതമായ ഒരു ഗ്രിഡുകള്‍ ഉണ്ടാകണമെന്ന് നരേന്ദ്രമോദി ഗ്ലാസ്‌കോയില്‍ പറഞ്ഞിരുന്നു. ഇന്ത്യ ലോകത്തിന് മുന്നില്‍ വെച്ച സൗരോര്‍ജ പദ്ധതികളില്‍ ഏറ്റവും വലുതും ആഫ്രിക്ക ഉള്‍പ്പെടെയുള്ള ലോകത്ത് പിന്നോട്ട് നില്‍ക്കുന്ന രാജ്യങ്ങളെ സഹായിക്കുന്ന പദ്ധതികൂടിയാണ് ഇത്. പദ്ധതി നടപ്പായാല്‍ ഊര്‍ജ ഉത്പാദനം കുറവുള്ള രാജ്യങ്ങള്‍ക്ക് കൂടുതല്‍ ഊര്‍ജ്ജം ലഭിക്കും. ഭാരതം ലോകത്തിന് മുന്നില്‍ വെച്ച ആശയം എന്താണെന്ന് മനസ്സിലാക്കാം ലോകത്തിലെ 140 രാജ്യങ്ങളെ കൂട്ടിയിണക്കുന്ന സൗരോര്‍ജ്ജ…
ചെന്നൈ. കേരളത്തിന് ലഭിച്ച രണ്ടാമത്തെ വന്ദേഭാരത് സെപ്റ്റംബര്‍ 24ന് സര്‍വീസ് ആരംഭിക്കും. കാസര്‍കോട് തിരുവനന്തപുരം റൂട്ടിലാണ് വന്ദേഭാരത് സര്‍വീസ് നടത്തുന്നത്. രാവിലെ ഏഴുമണിക്ക് കാസര്‍കോട് നിന്നും യാത്ര ആരംഭിക്കുന്ന വന്ദേഭാരത് തിരുവനന്തപുരത്ത് 3.5 ഓടെ എത്തും. തുടര്‍ന്ന് വൈകുന്നേരം 4 മണിക്ക് തിരിച്ച് കാസര്‍കോടേക്ക് യാത്ര ആരംഭിക്കും. രാത്രി 11.55 കാസര്‍കോട് തിരികെ എത്തുന്ന രീതിയിലാണ് സര്‍വീസ് ക്രമീകരിച്ചിരിക്കുന്നത്. ഞായറാഴ്ച വന്ദേഭാരത് പ്രധാനമന്ത്രി നരേന്ദ്രമോദി ഉദ്ഘാടനം ചെയ്യുമെങ്കിലും 26 മുതലായിരിക്കും യാത്ര സര്‍വീസ് ആരംഭിക്കുക. ആദ്യ ദിനത്തില്‍ ജനപ്രതിനിധികളും വിശിഷ്ടാ വ്യക്തികളും ക്ഷണിക്കപ്പെട്ട അതിഥികളുമായിരിക്കും യാത്രയില്‍ പങ്കെടുക്കുക. നിലവില്‍ കേരളത്തില്‍ സര്‍വീസ് നടത്തുന്ന വന്ദേഭാരത് കോട്ടയം വഴിയാണ്. എന്നാല്‍ പുതിയ വന്ദേഭാരത് ആലപ്പുഴ വഴി സര്‍വീസ് നടത്തും. തിരുവനന്തപുരം സെന്‍ട്രല്‍ സ്റ്റേഷനില്‍ പ്ലാറ്റ്‌ഫോം ലഭ്യത കുറവാണെങ്കില്‍ കൊച്ചുവേളിയില്‍ സര്‍വീസ് അവസാനിപ്പിക്കും. പുതിയ വന്ദേഭാരതിന് കണ്ണൂര്‍, കോഴിക്കോട്, ഷൊര്‍ണൂര്‍, എറണാകുളം സൗത്ത്, ആലപ്പുഴ, കൊല്ലം എന്നിവിടങ്ങളിലാണ് സ്റ്റോപ്പ് അനുവദിച്ചിരിക്കുന്നത്. വീഡിയോ കോണ്‍ഫറന്‍സ് വഴിയാണ്…
ന്യൂഡല്‍ഹി. കേന്ദ്രസര്‍ക്കാര്‍ വിളിച്ചു ചേര്‍ത്തിരിക്കുന്ന പാര്‍ലമെന്റിന്റെ പ്രത്യേക സമ്മേളനം സുപ്രധാന കാര്യങ്ങള്‍ക്ക് സാക്ഷ്യം വഹിക്കുമെന്ന് പ്രധാനമന്ത്രി നരേന്ദ്രമോദി. സഭ ഇപ്പോള്‍ സമ്മേളനിക്കുന്നത് ചെറിയ ഒരു കാലത്തേക്കാണ്. എന്നാല്‍ വലിയ കാര്യങ്ങള്‍ ഈ കാലയളവില്‍ നടക്കുമെന്നും അദ്ദേഹം വ്യക്തമാക്കുന്നു. വികസിത ഇന്ത്യയിലേക്കുള്ള യാത്ര പുതിയ മന്ദിരത്തില്‍ നിന്നും തുടരേണ്ടതുണ്ടെന്ന് മോദി പറഞ്ഞു. രാജ്യത്തിന്റെ വൈവിധ്യം ജി 20 സമ്മേളനത്തില്‍ പ്രദര്‍ശിപ്പിക്കാന്‍ സാധിച്ചതായും. ജി 20യില്‍ പൂര്‍ത്തിയാക്കാന്‍ സാധിച്ച എല്ലാ കാര്യങ്ങളും രാജ്യത്തിന്റെ ശോഭനമായ ഭാവിയെ പൂര്‍ത്തികരിക്കാന്‍ വേണ്ടിയാണെന്നും ആഫ്രിക്കന്‍ യൂണിയന് ജി 20യില്‍ അംഗത്വം നല്‍കാന്‍ സാധിച്ചുവെന്നും അദ്ദേഹം പറഞ്ഞു. അതേസമയം സമ്മേളനത്തിന്റെ ആദ്യ ദിനത്തില്‍ പഴയ പാര്‍ലമെന്റിലാണ് സമ്മേളനം നടക്കുക. വിനായക ചതുര്‍ത്ഥി ദിനമായ നാളെ പുതിയ മന്ദിരത്തിലേക്ക് സമ്മേളനം മാറ്റും. പ്രധാനമന്ത്രി നരേന്ദ്രമോദി തിങ്കളാഴ്ച ലോക്‌സഭയില്‍ സംസാരിക്കും. കേന്ദ്രമന്ത്രി പീയൂഷ് ഗോയല്‍ രാജ്യസഭയില്‍ ചര്‍ച്ചയ്ക്ക് തുടക്കം കുറിക്കും.
തൃശൂര്‍. കരുവന്നൂര്‍ സഹകരണ ബാങ്ക് തട്ടിപ്പ് കേസില്‍ തൃശൂര്‍, എറണാകുളം ജില്ലകളില്‍ ഇഡിയുടെ വ്യാപക പരിശോധന. കരുവന്നൂര്‍ സഹകരണ ബാങ്കുമായി ബന്ധപ്പെട്ട് നിരവധി ബിനാമി ഇടപാടുകള്‍ നടന്നതായി ഇ ഡി കണ്ടെത്തിയിരുന്നു ഇതിന് പിന്നാലെയാണ് പരിശോധന. കൊച്ചിയില്‍ നിന്നുള്ള ഇ ഡിയുടെ സംഘമാണ് തൃശൂര്‍, എറണാകുളം ജില്ലകളിലെ ഒന്‍പത് ഇടങ്ങളില്‍ പരിശോധന നടത്തുന്നത്. കരിവന്നൂര്‍ സഹകരണ ബാങ്കില്‍ നിന്നും തട്ടിയെടുത്ത പണം വെളുപ്പിക്കാന്‍ പ്രതികള്‍ മറ്റ് സഹകരണ ബാങ്കുകളെ ഉപയോഗിച്ചുവെന്നാണ് വിലയിരുത്തല്‍. സി പി എം നേതാവും മുന്‍ മന്ത്രിയുമായ എ സി മൊയ്തീനുമായി ബന്ധം ഉണ്ടെന്ന് പറയുന്ന വെളപ്പായ സതീശന്‍ എന്ന സതീഷ് കുമാര്‍ ഒന്നര കോടിയോളം രൂപ അയ്യന്തോള്‍ ബാങ്ക് വഴി വെളിപ്പിച്ചതായ് ഇ ഡിക്ക് വിവരം ലഭിച്ചിരുന്നു. സതീഷ് കുമാറിനെ ചോദ്യം ചെയ്തതില്‍ നിന്നാണ് വിവരങ്ങള്‍ ലഭിച്ചത്. ഇയാള്‍ അഞ്ച് അക്കൗണ്ടുകളിലായി ഭാര്യയുടെയും ബന്ധുക്കളുടെയും പേരില്‍ നിക്ഷേപം നടത്തി. അതോടൊപ്പം ദീപക് എന്ന വ്യക്തി അഞ്ചരക്കോടി രൂപ…
ന്യൂഡല്‍ഹി. വലിയ സ്വപ്‌നങ്ങളുമായിട്ടാണ് പലപ്പോഴും മലയാളികള്‍ അടക്കമുള്ളവര്‍ വിദേശത്തേക്ക് വിമാനം കയറുന്നത്. യുകെയില്‍ കൊച്ചിയില്‍ നിന്നും ഒരു ഏജന്‍സിവഴി എത്തിയ നഴ്‌സുമാര്‍ ജീവിക്കാന്‍ പെയിന്റിങ് ജോലിക്കും പുല്ലുവെട്ടാന്‍ പോയുമാണ് ജീവിക്കുന്നത്. 400 മലയാളി നഴ്‌സുമാര്‍ക്ക് നാട്ടിലേക്ക് മടങ്ങാന്‍ സാധിക്കാത്ത നിലയിലാണ്. 12.5 ലക്ഷത്തോളം രൂപ ചെലവഴിച്ചാണ് ഇവര്‍ യുകെയിലെത്തിയത്. ഈ കടബാധ്യതയാണ് പലരെയും മറ്റ് ജോലികള്‍ക്ക് നിര്‍ബന്ധിക്കുന്നത്. ആറ് മാസമായി ഇവര്‍ ഇവിടെ കുടുങ്ങിക്കിടക്കുന്നു. ജീവിക്കാന്‍ ജോലി ചെയ്യുന്നുണ്ടെങ്കിലും വാടകപോലും കൃത്യമായി നല്‍കാന്‍ സാധിക്കുന്നില്ലെന്ന് ഭാര്യയുടെ സ്വര്‍ണം പണയം വെച്ചും വായ്പ എടുത്തും യുകെയിലെത്തിയ ഒരു മലയാളി പറയുന്നു. അതേസമയം നിര്‍ധനര്‍ക്കായിട്ടുള്ള ഫുഡ്ബാങ്കില്‍ നിന്നും ഭക്ഷണം കഴിക്കുന്നവരും ഈ കൂട്ടത്തിലുണ്ട്. വിദേശമന്ത്രാലയത്തിന്റെ ഇടപെടല്‍ തേടി പ്രവാസി ലീഗല്‍ സെല്‍ വിദേശകാര്യമന്ത്രി എസ് ജയശങ്കറിന് പരാതി നല്‍കിയിരുന്നു. ഇവരില്‍ പലരും ഈ വര്‍ഷം ആദ്യം യുകെയില്‍ എത്തിയവരാണ്. മൂന്ന് ഘട്ടമായി പണം നല്‍കി. ആദ്യം 5600 രൂപ രജിസ്‌ട്രേഷനും പിന്നീട് അഭിഖത്തിന്റെ സമത്ത്…
തിരുവനന്തപുരം. നടന്‍ അലന്‍സിയര്‍ ലോപ്പസ് നടത്തിയ വിവാദ പരാമര്‍ശത്തില്‍ പ്രതിഷേധം ഉയരുമ്പോഴും പരാമര്‍ശത്തില്‍ ഉറച്ച് നില്‍ക്കുകയാണ് നടന്‍. സംസ്ഥാന ചലച്ചിത്ര അവാര്‍ഡ് വിതരണ സമ്മേളനത്തിലാണ് നടന്‍ വിവാദ പരാമര്‍ശം നടത്തിയത്. പെണ്‍ പ്രതിമ നല്‍കി പ്രലോഭിപ്പിക്കരുതെന്നും ആണ്‍കരുത്തുള്ള മുഖ്യമന്ത്രി ഭരിക്കുന്ന നാട്ടില്‍ ആണ്‍കരുത്തുള്ള പ്രതിമ നല്‍കണമെന്നുമായിരുന്നു അലന്‍സിയറുടെ വിവാദ പരാമര്‍ശം. അതേസമയം തന്നെ ആരും സദാചാരം പഠിപ്പിക്കാന്‍ വരേണ്ടെന്ന് അലന്‍സിയര്‍ വ്യക്തമാക്കി. പീഡിപ്പിച്ച് കൊണ്ട് നടക്കുന്നവന്‍ മലയാള സിനിമയിലെ ഏക പീഡകന്‍ എന്ന് തന്നെ വിശേഷിപ്പിക്കേണ്ട. അതിന് യോഗ്യതയുള്ളവര്‍ പലരുമുണ്ട്. അതേസമയം മുഖ്യമന്ത്രി വേദിയില്‍ നിന്നും പോയതിലുള്ള പ്രതിഷേധമാണോ എന്ന ചോദ്യത്തിന് അല്ലെന്നായിരുന്നു അലന്‍സിയറുടെ മറുപടി. സിനിമാ നടനായത് കൊണ്ട് പേരുദോഷം മാത്രമെയുള്ളുവെന്നും ഇല്ലാത്ത ആരോപണങ്ങളില്‍ കുടുക്കാന്‍ ശ്രമിക്കേണ്ടെന്നും നടന്‍ പറയുന്നു. സിനിമ മേഖലയില്‍ സ്ത്രീകളും പുരുഷന്മാരും പ്രശ്‌നങ്ങള്‍ അഭുമുഖീകരിക്കുന്നുണ്ട്. നമ്മള്‍ ജൂനിയര്‍ ആര്‍ട്ടിസ്റ്റുകള്‍ എന്ന് വിളിക്കുന്നവര്‍ അഭിമുഖികരിക്കുന്ന പ്രശ്‌നങ്ങള്‍ വലുതാണ്. താന്‍ പലപ്പോഴും ഇത്തരം അവസ്ഥകള്‍ കണ്ടിട്ടുണ്ട്. പെണ്‍പ്രതിമ നല്‍കി…
ഇന്ത്യയില്‍ നിന്നും ഇലക്ടിക് കാര്‍ നിര്‍മാതാക്കളായ ടെസ്ല വാങ്ങിയത് 1 ബില്യണ്‍ ഡോളറിന്റെ സ്‌പെയര്‍ പാര്‍ട്ട്‌സുകളെന്ന് റിപ്പോര്‍ട്ട്. രാജ്യത്തെ ഓട്ടോമൊബൈല്‍ സ്‌പെയര്‍ പാര്‍ട്ട്‌സ് നിര്‍മാതാക്കളില്‍ നിന്നാണ് 1 ബില്യണ്‍ ഡോളറിന്റെ ഏകദേശം 8000 കോടി രൂപയുടെ ഉത്പന്നങ്ങള്‍ വാങ്ങിയത്. രാജ്യത്തെ ഓട്ടോമൊബൈല്‍ ഘടക നിര്‍മാതാക്കളുടെ യോഗത്തിലാണ് കേന്ദ്രമന്ത്രി പിയൂഷ് ഗോയല്‍ ഇക്കാര്യം വ്യക്തമാക്കിയത്. ഓട്ടോമൊബൈല്‍ ഘടക നിര്‍മാതാക്കളുടെ യോഗം കഴിഞ്ഞ ദിവസം ഡല്‍ഹിയില്‍ നടന്നു. ഓട്ടോ മൊബൈല്‍ വ്യവസായത്തിന്റെ ഭാവി ഇലക്ട്രിക് വാഹനങ്ങളാണ്. അതിനാല്‍ ആഗോള ഇവി നിര്‍മാതാക്കളെ സ്വാഗതം ചെയ്യുകയാണെന്നും അദ്ദേഹം കൂട്ടിച്ചേര്‍ത്തു. പ്രധാനമന്ത്രി നരേന്ദ്രമോദിയുമായി ജൂണില്‍ ഇലോണ്‍ മസ്‌ക് കൂടുക്കാഴ്ച നടത്തിയിരുന്നു. തുടര്‍ന്ന് ടെസ്ല അധികൃതര്‍ കേന്ദ്ര വാണിജ്യ മന്ത്രിയുമായി കൂടിക്കാഴ്ച നടത്തി. അതേസമയം ടെസ്ല യോഗത്തില്‍ ഇന്ത്യയില്‍ നിക്ഷേപം നടത്തുന്നതില്‍ സന്തോഷം പ്രകടിപ്പിച്ചുവെന്നും അദ്ദേഹം പറഞ്ഞു. നിലവില്‍ ഇലക്ട്രിക് വാഹനങ്ങള്‍ക്ക് വിപണി കണ്ടെത്താനുള്ള ശ്രമത്തിലാണ് ടെസ്ല. രാജ്യത്ത് നിര്‍മാണ പ്ലാന്റ് സ്ഥാപിക്കുവാനും കമ്പനി താല്പര്യം പ്രകടിപ്പിച്ചിട്ടുണ്ട്. ഇതുമായി…