Author: Updates
കേരളത്തിന്റെ നിരത്തുകളില്‍ ആനവണ്ടി ചീറിപ്പായന്‍ തുടങ്ങിയിട്ട് കാലം ഏറെയായി. ആനവണ്ടിയിലെ യാത്രയും ഉയര്‍ന്ന ശബ്ദവും ബസിലെ നീളന്‍ സീറ്റില്‍ ഇരുന്നുള്ള മയക്കവും എല്ലാം നമ്മളെ കാലങ്ങള്‍ പിന്നീലേക്ക് കൊണ്ട് പോകുന്നതാണ്. കെഎസ്ആര്‍ടിസി ബസിലെ കുഞ്ഞന്‍ ജാലകം ഓരോരുത്തര്‍ക്കും ഓരോ കുഞ്ഞു സ്‌ക്രീനുകളാണ്. ആ കൊച്ച് സ്‌ക്രീനിലൂടെ ഓരോരത്തരും കണ്ടത് ജീവിതത്തില്‍ മറക്കാന്‍ സാധിക്കാത്ത എത്രയോ അപൂര്‍വ നിമിഷങ്ങളായിരിക്കും. കാലം പിന്നിടുമ്പോള്‍ കെഎസ്ആര്‍ടിസിയുടെ നല്ലകാലം കൂടെയാണ് പിന്നോട്ട് പോകുന്നത്. ഇന്ന് ശമ്പളം പോലും ജീവനക്കാര്‍ക്ക് നല്‍കാന്‍ സാധിക്കാത്ത വിധത്തിലേക്ക് സ്ഥാപനം എത്തിയിരിക്കുന്നു. തിരുവിതാംകൂറിലെ ആദ്യ പൊതു ബസ് സര്‍വീസ് ആരംഭിക്കുമ്പോള്‍ നൂറോളം ബിരുദധാരികളാണ് ജീവനക്കാരിയി എത്തിയത്. അന്ന് വളരെ മികച്ച രീതിയിലായിരുന്നു സര്‍വീസ്. പിന്നീട് കേരള സംസ്ഥാനം രൂപികരിച്ചതോടെ കെഎസ്ആര്‍ടിസി 1965ല്‍ നിലവില്‍ വന്നു. 1950ല്‍ പ്രാബല്യത്തില്‍ വന്ന റോഡ് ട്രാന്‍സ്‌പോര്‍ട്ട് കോര്‍പറേഷന്‍ ആക്ടിന്റെ ചുവടുപിടിച്ചായിരുന്നു. സര്‍ക്കാര്‍ കെഎസ്ആര്‍ടിസിക്ക് തുടക്കം കുറിച്ചത്. 661 ബസ് റൂട്ടുകളും 36 ലോറി സര്‍വീസ് റൂട്ടുകളുമായിട്ടായിരുന്നു കെഎസ്ആര്‍ടിസിയുടെ…
രുചിയിലും കാഴ്ചയിലും വ്യത്യസ്തവും ശരീരത്തിന് ആവശ്യമായ ധാരളം പോഷക ഗുണങ്ങളും ആന്റി ഓക്‌സിഡന്റുകള്‍ നിറഞ്ഞതുമാണ് ഡ്രാഗണ്‍ ഫ്രൂട്ട്. വിദേശ പഴവര്‍ഗമായ ഡ്രാഗണ്‍ ഫ്രൂട്ട് കൃഷിയില്‍ വ്യത്യസ്തനാകുകയാണ് കോട്ടയം ചങ്ങനശ്ശേരി സ്വദേശിയായ ജോസഫ്. ഇദ്ദേഹത്തിന്റെ ഫാമില്‍ 108 തരത്തിലുള്ള വ്യത്യസ്തമായ ഡ്രാഗണ്‍ ഫ്രൂട്ടുകളാണ് ഉള്ളത്. ഓരോ ഇനത്തിനും വ്യത്യസ്ത ഗുണവും നിറവും രുചിയുമാണ്. അവളരെ അപൂര്‍വമായി മാത്രം കാണ്ട് വരുന്ന ഡ്രാഗണ്‍ ഫ്രൂട്ടുകളും ജോസഫ് കൃഷി ചെയ്യുന്നു. പ്രധാനമായും തൈകള്‍ ഉല്‍പാദിപ്പിച്ച് കൃഷിക്കാര്‍ക്ക് നല്‍കുകയാണ് ചെയ്യുന്നത്. ഇവിടെ കൃഷി ചെയ്യുന്ന 108 തരം ഡ്രാഗണ്‍ ഫ്രൂട്ടില്‍ 15 ഇനം ജോസഫ് തന്നെ വികസിപ്പിച്ചതാണ്. തൈകളുടെ നിര്‍മാണത്തിലൂടെ ലക്ഷങ്ങളുടെ വരുമാനമാണ് ജോസഫിന് ലഭിക്കുന്നത്. തായ്വാന്‍, ബ്രസീല്‍, ഫിലിപ്പീന്‍സ്, ഓസ്‌ട്രേലിയ, ഇക്വഡോര്‍, യുഎസ്, ചൈന എന്നിവിടങ്ങളില്‍ നിന്നാണ് ജോസഫ് തൈകള്‍ എത്തിക്കുന്നത്. ഇത് മരുഭൂമിയിലെ സസ്യമായതിനാല്‍ എത് കാലാവസ്ഥയിലും വളരുമെന്നും കുറച്ച് പരിചരണവും നനയും മതിയെന്ന് ജോസഫ് പറയുന്നു. രാജ്യത്തിന്റെ വിവിധ ഭാഗങ്ങളിലുള്ള കൃഷിക്കാരാണ് ജോസഫിന്റെ…
രാജ്യത്തിന് അഭിമാനമായി ഇന്ത്യയുടെ ചന്ദ്രയാന്‍ മൂന്ന് ചന്ദ്രനിലേക്കുള്ള യാത്ര ആരംഭിച്ചിരിക്കുകയാണ്. ഈ ദൗത്യത്തില്‍ ലാന്‍ഡറിനൊപ്പം ഒരു റോവറും യാത്ര തിരിച്ചിട്ടുണ്ട്. അതേസമയം മൂന്ന് രാജ്യങ്ങള്‍ മാത്രം നേടിയ നേട്ടം സ്വന്തമാക്കുവനാണ് ഇന്ത്യയും കാത്തിരിക്കുന്നത്. വിജയകരമായി ചന്ദ്രനില്‍ റോവര്‍ ഇറക്കിയത് മൂന്ന് രാജ്യങ്ങള്‍ മാത്രമാണ്. റഷ്യയും അമേരിക്കയും ചൈനയും നേടിയ നേട്ടം സ്വന്തം പേരില്‍ കുറിക്കുവനാണ് ഇന്ത്യയും ലക്ഷ്യമിടുന്നത്. കഴിഞ്ഞ വര്‍ഷങ്ങളില്‍ ചന്ദ്രനെ ലക്ഷ്യമാക്കി നിരവധി ലാന്‍ഡറുകള്‍ യാത്ര തിരിച്ചെങ്കിലും വിജയിക്കുവാന്‍ സാധിച്ചില്ല. അതേസമയം ചന്ദ്രനിലേക്ക് യാത്ര തിരിച്ചതില്‍ ഏറ്റവും വലിയ റോവര്‍ അണിയറയില്‍ ഒരുങ്ങുന്നതായിട്ടാണ് വിവരം. 2026ല്‍ വിക്ഷേപിക്കുമെന്ന് പറയപ്പെടുന്ന ഈ റോവര്‍ നിര്‍മിക്കുന്നത് യു എസ് കേന്ദ്രമായി പ്രവര്‍ത്തിക്കുന്ന വെഞ്ചുറി ആസ്‌ട്രോലാബ് എന്ന കമ്പനിയാണ്. പുറത്തുവരുന്ന വിവരങ്ങള്‍ അനുസരിച്ച് രണ്ടായിരം കിലോയാണ് ഫ്‌ലെക്‌സ് റോവറിന്റെ ഭാരം. ഇത്രയും വലുപ്പമുള്ള ഈ റോവറിന് ചന്ദ്രനില്‍ ഒട്ടേറെ ശാസ്ത്രീയ പരീക്ഷണങ്ങള്‍ നടത്താന്‍ സാധിക്കും എന്നാണ് വിവരം. ഈ റോവറിനെ വ്യത്യസ്തമാക്കുന്നതും ഇതാണ്. മുമ്പ്…
സോഷ്യല്‍ മീഡിയയില്‍ സൂപ്പര്‍താരമാണ് പേളി മണി. പേളിക്കൊപ്പം ഭര്‍ത്താവ് ശ്രീനിഷിനും മകള്‍ നിലയ്ക്കും ആരാധകര്‍ ഏറെയാണ്. അതുകൊണ്ട് തന്നെ ഇവരുടെ വിശേഷങ്ങള്‍ സോഷ്യല്‍ മീഡിയയില്‍ വലിയ ചര്‍ച്ചയാകുന്നത് പതിവാണ്. പേളിയുടെ ജീവിതം എപ്പോഴും ഒരു തുറന്ന പുസ്തകം പോലെയാണ്. ജീവിതത്തിലെ എല്ലാ സന്തോഷങ്ങളും പേളി ആരാധകരുമായി പങ്കുവെയ്ക്കുന്നു. ഇപ്പോള്‍ ആരാധകരെ സന്തോഷത്തിലാക്കിയ ഒരു വാര്‍ത്ത കുറച്ച് ദിവസങ്ങള്‍ക്ക് മുമ്പ് പേളി പുറത്ത് വിട്ടിരുന്നു. ഇപ്പോള്‍ രണ്ടാമത്തെ കുട്ടിയ്ക്കായിട്ടുള്ള കാത്തിരിപ്പിലാണ് പേളി. എന്നാല്‍ പേളിയുടെ ആരാധകര്‍ ഇക്കാര്യം മുമ്പ് തന്നെ കണ്ടെത്തിയിരുന്നു. രസകരമായ ഒരു വിഡിയോയിലൂടെയാണ് പേളി തന്റെ വിശേഷം ആരാധകരുമായി പങ്കുവെച്ചത്. പേളിയുടെ വീഡിയോ ഇതിനകം 29 ലക്ഷം പേര്‍ കണ്ട് കഴിഞ്ഞു. വിഡിയോയ്ക്ക് താഴെ ആരാധകര്‍ പ്രശംസകളുമായി എത്തുമ്പോള്‍ വിമര്‍ശനങ്ങളും ഉയരുന്നുണ്ട്. ഗര്‍ഭം വിറ്റ് കാശാക്കുന്നുവെന്നാണ് വിമര്‍ശകര്‍ ഉന്നയിക്കുന്ന കാര്യം. നിലയെ ഗര്‍ഭിണിയായിരുന്ന കാലത്ത് പേളി ഇത്തരം വിമര്‍ശനങ്ങള്‍ നേരിട്ടതാണ്. മൂന്നാം മാസത്തിലാണ് പേളി ആരാധകരെ ഇക്കാര്യം അറിയിച്ചത്. വിമര്‍ശിക്കുന്നവര്‍…
കേരളത്തിലെ കലാലയങ്ങള്‍ പതുക്കെ ആളൊഴിയുകയാണ്. പല സെല്‍ഫിനാന്‍സ് കോളേജുകളും അടച്ചു പൂട്ടി, മറ്റ് ചിലത് അടച്ചുപൂട്ടുവാന്‍ തയ്യാറെടുക്കുന്നു. വിദ്യാഭ്യാസ സമ്പന്നമാണ് കേരളം എന്ന് സര്‍ക്കാര്‍ പറയുമ്പോഴും കേരളത്തിലെ വിദ്യാര്‍ഥികള്‍ക്ക് എന്താണ് സംഭവിക്കുന്നതെന്ന് തിരിച്ചറിയുവാന്‍ സര്‍ക്കാര്‍ സംവിധാനങ്ങള്‍ക്ക് സാധിക്കുന്നില്ല. അഞ്ച് വര്‍ഷങ്ങള്‍ക്ക് മുമ്പ് പ്രമുഖ കോളേജുകളിലും എന്‍ജിനീയറിങ് കോളേജുകളിലും വലിയ തിരക്കായിരുന്നു. പലപ്പോഴും അഡ്മിഷന്‍ കിട്ടാതെ കലങ്ങിയ കണ്ണുകളുമായി കോളേജില്‍ നിന്നും പോകുന്ന വിദ്യാര്‍ഥികളെയും കാണാന്‍ കഴിയുമായിരുന്നു. കാലം മാറിയതോടെ ഇതൊന്നും ഇന്നില്ല. പല കോളേജുകളും ആങ്ങോട്ട് സീറ്റ് ഓഫര്‍ ചെയ്തിട്ടും വിദ്യാര്‍ഥികളെ കിട്ടാനില്ലാത്ത അവസ്ഥ. പല റഗുലര്‍ കോളേജുകളിലും ഇഷ്ടം പോലെ സ്റ്റ് ബാക്കിയാകുന്നു. കേരളത്തിലെ കോളേജുകളെ വിദ്യാര്‍ഥികള്‍ ഒഴിവാക്കുന്നത് ഒരോ വര്‍ഷവും കൂടിവരുകയാണ്. കേരളത്തിലെ ഉപരിപഠനം നിലവാരം കുറഞ്ഞതാണെന്ന് മിക്ക വിദ്യാര്‍ഥികളും കരുതുന്നു. അതിനാല്‍ പ്ലസ് ടൂ വിദ്യാഭ്യാസം പൂര്‍ത്തിയാക്കുന്നതോടെ കേരളത്തിന് വെളിയിലേക്ക് വിദ്യാഭ്യാസത്തിനായി പോകുവനാണ് ഇവര്‍ ആഗ്രഹിക്കുന്നതും. സര്‍വകലാശാലയിലെ രാഷ്ട്രീയ അതിപ്രസരവും, വിവിധങ്ങളും പുറത്തുവരുന്ന അനധികൃത നിയമനങ്ങളും എല്ലാം…
ഇന്ത്യന് ഗ്രോസറി ഡെലിവറിയില്‍ വിപ്ലവം സൃഷ്ടിച്ച സെപ്‌റ്റോ 2023ലെ ഇന്ത്യയില്‍ നിന്നുള്ള ആദ്യ യൂണികോണ്‍ ആകുമെന്ന പ്രതീക്ഷയിലാണ് സ്റ്റാര്‍ട്ടപ്പ് ലോകം. കിക്ക് കൊമേഴ്‌സ് എന്ന ആശയം ഇന്ത്യന് നഗരങ്ങളില്‍ പ്രചാരത്തിലാക്കിയ സെപ്‌റ്റോ. 15 മിനിറ്റിനുള്ളില്‍ ഗ്രോസറി വീട്ടിലെത്തിക്കുന്ന സ്ഥാപനമാണ്. അതിവേഗത്തില്‍ ഒരു ബില്യണ്‍ ഡോളര്‍ മൂല്യം നേടുന്ന സ്റ്റാര്‍ട്ടപ്പുകളാണ് യൂണികോണ്‍. ഇന്ത്യയില്‍ ഒരോ വര്‍ഷവും പിന്നിടുമ്പോള്‍ യൂണികോണ്‍ സ്റ്റാര്‍ട്ടപ്പുകള്‍ ശക്തമായി വളരുകയാണ്. 1,200 കോടി രൂപ സമാഹരിക്കുവനാണ് സെപ്‌റ്റോയുടെ പദ്ധതി. ഇത് പൂര്‍ത്തികരിച്ചാല്‍ 1.3 ബില്യണ്‍ ഡോളറായ കമ്പനിയുടെ മൂല്യം ഉയരും. ഇതോടെ സെപ്‌റ്റോ യുണികോണ്‍ പദ്ധതിയില്‍ ഇടം നേടും. 2021ല്‍ സുഹൃത്തുക്കളായ ആദിത് പലിച്ചയും കൈവല്യ വോറയും ചേര്‍ന്നാണ് സെപ്‌റ്റോയ്ക്ക് തുടക്കം കുറിക്കുന്നത്. പ്രവര്‍ത്തനം ആരംഭിച്ച് മാസങ്ങള്‍ക്ക് ഉള്ളില്‍തന്നെ കമ്പനിയുടെ മൂല്യം 100 മില്യണ്‍ ഡോളറിലെത്തി. തുടര്‍ന്ന് കഴിഞ്ഞ വര്‍ഷം 200 മില്യണ്‍ ഡോളര്‍ സമാഹരിച്ച കമ്പനിയുടെ മൂല്യം 900 മില്യണ്‍ ഡോളറില്‍ എത്തുകയായിരുന്നു. ഇന്ത്യയിലെ പ്രായം കുറഞ്ഞ സ്വയം…
തിരുവനന്തപുരം. ഒരു ഇടവേളയ്ക്ക് ശേഷം വീണ്ടും സജീവ ചര്‍ച്ചയാകുകയാണ് സില്‍വര്‍ലൈന്‍ പദ്ധതി. സില്‍വര്‍ലൈന്‍ പദ്ധതിക്ക് മുമ്പ് തടസ്സമായി നിന്നത് ഡല്‍ഹിയിലെ രാഷ്ട്രീയ തീരുമാനമായിരുന്നുവെന്നാണ് സംസ്ഥാനസര്‍ക്കാര്‍ കരുതിയിരുന്നത്. സില്‍വര്‍ലൈന്‍ പദ്ധതി സംബന്ധിച്ച് ഡി പി ആറിലെ പിഴവുകള്‍ റെയില്‍വേ പലവട്ടം ചൂണ്ടിക്കാണിച്ചിട്ടും അത് തിരുത്തുവാന്‍ സര്‍ക്കാര്‍ തയ്യാറായിരുന്നില്ല. എന്നാല്‍ കെ വി തോമസും ഇ ശ്രീധരനും നടത്തിയ ചര്‍ച്ചയില്‍ ബദല്‍ നിര്‍ദേശം ഇ ശ്രീധരന് മുന്നോട്ട് വെച്ചു. കേരളത്തിന് വേണ്ടത് അതിവേഗ റെയില്‍വേയാണെന്നാണ് ഇ ശ്രീധരന് മുന്നോട്ട് വയ്ക്കുന്നത്. ഈ വിഷയത്തില്‍ ഈ ശ്രീധരന് ലഭിച്ച ബി ജെ പി പിന്തുണയും ഡല്‍ഹിയില്‍ നിന്നുള്ള രാഷ്ട്രീയപിന്തുണ ലഭിക്കുമെന്ന പ്രതീക്ഷയിലാണ് സംസ്ഥാന സര്‍ക്കാര്‍. ഇ ശ്രീധരന് മുന്നോട്ട് വെച്ച വേഗ റെയില്‍ പദ്ധതിയെ ബി ജെ പി പിന്തുണയ്ക്കുന്നത് അടുത്ത ലോക്‌സഭാ തിരഞ്ഞെടുപ്പ് മുന്നില്‍ കണ്ടായിരിക്കണം. ഇത് സംസ്ഥാനത്ത് വലിയ രാഷ്ട്രീയ ചലനങ്ങള്‍ക്ക് വഴിവെച്ചേക്കാം. വേഗറെയില്‍ പദ്ധതി ബി ജെ പി പിന്തുണയോടെ അവതരിപ്പിക്കുമ്പോള്‍…
സിനിമയിലെത്തി ചുരുങ്ങിയ കാലം കൊണ്ട് ശ്രദ്ധേയമായ നടിയാണ് ഇനിയ. മലയാളത്തിലും തമിഴിലുമായി ഇനിയ ഇതിനോടകം 25 ല്‍ അധികം സിനിമകളില്‍ അഭിനയിച്ചു. താരം സോഷ്യല്‍ മീഡിയയിലും സജീവമാണ്. ഫോട്ടോഷൂട്ട് ചിത്രങ്ങളും വീഡിയോകളും എല്ലാ സോഷ്യല്‍ മീഡിയയില്‍ പങ്കെവെയ്ക്കുന്ന താരത്തിന് ലക്ഷക്കണക്കിന് ആരാധകരാണുള്ളത്. ഇനിയ പങ്കുവെയ്ക്കുന്ന ചിത്രങ്ങള്‍ വളരെ വേഗത്തില്‍ വൈറലാകാറുണ്ട്. ഗ്ലാമറസ് ചിത്രങ്ങള്‍ പങ്കുവയ്ക്കുവാനും നടി തയ്യാറാണ്. അതേസമയം ഇനിയയുടെ അഭിമുഖത്തിലെ ചിലകാര്യങ്ങളാണ് ഇപ്പോള്‍ സോഷ്യല്‍ മീഡിയയില്‍ ചര്‍ച്ചയാകുന്നത്. ഗ്ലാമറസ് വേഷങ്ങള്‍ അഭിനയിക്കുന്ന കാര്യത്തെക്കുറിച്ചാണ് നടി പറഞ്ഞത്. മുമ്പ് തനിക്ക് ഇന്റിമസി രംഗങ്ങള്‍ അഭിനയിക്കുവാന്‍ വലിയ പിടുത്തമില്ലായിരുന്നു. എന്നാല്‍ സംവിധായകന്‍ പറഞ്ഞ അനുസരിച്ച് എല്ലാം ചെയ്തപ്പോഴാണ് ആത്മവിശ്വാസം ഉണ്ടായതെന്നും ഇനിയ പറയുന്നു. ആ രംഗം പൂര്‍ത്തിയാക്കിയതിന് ശേഷം എല്ലാവരും കയ്യടിച്ചു. ഗ്ലാമറസ് ആകുന്നത് കോണ്‍ഫിഡന്‍സിന് അനുസരിച്ചാണ്. അത് നമ്മള്‍ എത്രത്തോളം ഉള്‍ക്കൊള്ളുന്നു എന്ന കാര്യത്തെ അനുസരിച്ചിരിക്കുമെന്നും ഇനിയ പറയുന്നു. ഇത്തരം രംഗങ്ങളില്‍ ഏത് ലവല്‍വരെ പോണം എന്നതും നമ്മുടെ തീരുമാനമാണെന്നും ഇനിയ…
ന്യൂഡല്‍ഹി. വിനോദസഞ്ചാരികളെ ലക്ഷ്യമിട്ട് ഇന്ത്യന് റെയില്‍വേയുടെ പുതിയ പദ്ധതി. അത്യാധുനിക സൗകര്യങ്ങളോടെ ടി ട്രെയിന്‍ അവതരിപ്പിക്കുവനാണ് റെയില്‍വേ ലക്ഷ്യമിടുന്നത്. പഴയകാല ആവി എന്‍ജിന്റെ മാതൃകയിലാണ് ടി ട്രെയിന്‍ നിര്‍മിക്കുന്നതെങ്കിലും വൈദ്യുതയിലാണ് ട്രെയിന്‍ പ്രവര്‍ത്തിക്കുക. ദക്ഷിണ റെയില്‍വേയുടെ പേരമ്പൂര്‍ ഗാരിജ് ആവഡി ഇഎംയു കാര്‍ ഷെഡ്, തിരുച്ചിറപ്പള്ളി ഗോള്‍ഡന്‍ റേക്ക് വര്‍ക്ക്‌ഷോപ്പ് എന്നിവിടങ്ങളിലാണ് ട്രെയിന്‍ നിര്‍മിച്ചത്. 1895ല്‍ ആദ്യമായി ഇന്ത്യയില്‍ നിര്‍മിച്ച തദ്ദേശിയ ട്രെയിന്‍ എന്‍ജിന്‍ 734 ന്റെ രൂപത്തിലാണ് ട്രെയിന്റെ മുന്‍ഭാഗം. അതേസമയം ട്രെയിനില്‍ അത്യാധുനിക സൗകര്യങ്ങളാണ് ഒരുക്കിയിരിക്കുന്നത്. എസി കോച്ചുകളാണ് ട്രെയിനില്‍ ഒരുക്കിയിരിക്കുന്നത്. മൂന്ന് കോച്ചുകള്‍ ചെയര്‍കാറാണ്. ഒരണ്ണം റസ്‌റ്റോറന്റാണ്. മികച്ച യാത്ര സൗകര്യം ഒരുക്കുന്നതിനായി ട്രെയിനിന്റെ അകത്തളം വളരെ മനോഹരമായിട്ടാണ് നിര്‍മിച്ചിരിക്കുന്നത്. ട്രെയിനിന്റെ രൂപകല്‍പന നിര്‍വഹിച്ചിരിക്കുന്നത് ഇന്റഗ്രല്‍ കോച്ച് ഫാക്ടറിയാണ്. ട്രെയിനിന്റെ എക്‌സിക്യൂട്ടീവ് ചെയര്‍കാറില്‍ 48 യാത്രക്കാര്‍ക്ക് സഞ്ചരിക്കുവാന്‍ സൗകര്യമുണ്ട്. വന്ദേഭാരത് ട്രെയിനിനോട് സമാനമാണ് സൗക്യര്യങ്ങള്‍. പനോരമിക് വ്യൂവും ഇതില്‍ ലഭിക്കും.
പിറന്നാളിനും പ്രണയത്തിനും ജീവിതത്തിലെ മറ്റ് എല്ലാ സന്തോഷങ്ങള്‍ക്കും ചോക്ലേറ്റ് സമ്മാനിക്കുന്നവരാണ് നാം എല്ലാവരും. ചോക്ലേറ്റിനായി വാശിപിടിക്കുന്ന കുട്ടികളും ഓരോ സന്തോഷത്തിലും ഒരു നുള്ള് ചോക്ലേറ്റെങ്കിലും സമ്മാനിക്കണമെന്ന് നമ്മളോട് ടെലിവിഷനിലെ പരസ്യങ്ങളും എപ്പോഴും പറഞ്ഞുകൊണ്ടിരിക്കുന്നു. എന്നാല്‍ എത്ര പേര്‍ക്ക് അറിയാം ചോക്ലേറ്റിന്റെ നീറുന്ന ചരിത്രം. ചരിത്രത്തില്‍ ചോക്ലേറ്റ് ആദിവാസിയുടെ ഭക്ഷണമായിരുന്നു. എന്നാല്‍ കാലം പിന്നിട്ടതോടെ അത് മധ്യവര്‍ഗത്തിന്റെയും കുലീനരുടെയും ബ്രാന്‍ഡായി മാറി. ചോക്ലേറ്റ് ഡേയും ആഘോഷങ്ങളും എല്ലാം നടക്കുമ്പോഴും അത്രയൊന്നും നല്ലകാലമല്ല ചോക്ലേറ്റ് കൃഷിയിടങ്ങളില്‍ ജോലിചെയ്യുന്ന സാധാരണക്കാരന്റേത്. കൊക്കോ കൃഷിക്കായി വനങ്ങള്‍ വെട്ടിത്തെളിച്ച് പ്രകൃതിക്കുണ്ടാക്കുന്ന നാശ നഷ്ടങ്ങളും ചെറുതല്ല. ഘാനയിലും ഐവറി കോസ്റ്റിലും ഏതാണ്ട് 23 ലക്ഷം ഹെക്ടര്‍ മഴക്കാടുകളാണ് കൊക്കോ കൃഷിയുടെ പേരില്‍ വെട്ടി നശിപ്പിക്കപ്പെട്ടത്. ലോകം ചോക്ലേറ്റിന്റെ മധുരത്തില്‍ രമിക്കുമ്പോഴും ആഫ്രിക്കയില്‍ കൊക്കോ തോട്ടങ്ങളില്‍ ജോലി ചെയ്യുന്ന കുട്ടികളുടെ ഓര്‍മ്മകള്‍ കണ്ണു നനയിക്കുന്നതാണ്. വിവിധ സംഘടനകളുടെ കണക്കില്‍ നിരവധി ആഫ്രിക്കന്‍ കൊക്കോ തോട്ടങ്ങളില്‍ അടിമ ജീവിതം നയിക്കുന്ന കുട്ടികളുടെ എണ്ണം…