Author: Updates
കൊച്ചി അന്താരാഷ്ട്ര വിമാനത്താവളത്തില്‍ പുതിയതായി ഉദ്ഘാടനം ചെയ്യുന്ന നവീകരിച്ച ബിസിനസ് ടെര്‍മിനലിന്റെ ചുമരില്‍ ശ്രീ ശങ്കരാചാര്യ സംസ്‌കൃത സര്‍വകലാശാല ഒരുക്കുന്ന ചുമര്‍ ചിത്രത്തിന്റെ നിര്‍മ്മാണ പ്രവര്‍ത്തനങ്ങള്‍ അവസാന ഘട്ടത്തിലെത്തി. ശ്രീ ശങ്കരാചാര്യ സംസ്‌കൃത സര്‍വകലാശാല ചുമര്‍ചിത്രകലാ പൈതൃക സംരക്ഷണ കേന്ദ്രത്തിന്റെ ആഭിമുഖ്യത്തില്‍ ബിസിനസ് ടെര്‍മിനലിന്റെ പ്രവേശന കവാടത്തിന് ഇരുവശങ്ങളിലുമായാണ് ചുമര്‍ചിത്രം ഒരുങ്ങുന്നത്. സര്‍വ്വകലാശാല മ്യൂറല്‍ പെയിന്റിംഗ് വിഭാഗം അസിസ്റ്റന്റ് പ്രൊഫസറും ചുമര്‍ചിത്രകലാ പൈതൃക സംരക്ഷണ കേന്ദ്രം ഡയറക്ടറുമായ ഡോ.ടി.എസ്. സാജുവിന്റെ നേതൃത്വത്തില്‍ സര്‍വ്വകലാശാലയിലെ പെയിന്റിംഗ് വിഭാഗത്തിലെ വിദ്യാര്‍ത്ഥികളും പൂര്‍വ്വവിദ്യാര്‍ത്ഥികളും ചേര്‍ന്ന് ചുമര്‍ചിത്രത്തിന്റെ തൊണ്ണൂറ് ശതമാനത്തോളം നിര്‍മ്മാണ പ്രവര്‍ത്തനങ്ങള്‍ പൂര്‍ത്തിയാക്കി കഴിഞ്ഞു. ”അറുപത് അടി നീളവും ആറ് അടി വീതിയുമുളള കാന്‍വാസില്‍ ഒരുക്കിയിരിക്കുന്ന ചുമര്‍ചിത്രത്തിന്റെ ഇതിവൃത്തം പ്രധാനമായും കേരളീയ കലാരൂപങ്ങളാണ്. കൂടാതെ ഓണാഘോഷങ്ങള്‍, വളളംകളി, ഉള്‍പ്പെടെ തൃശൂര്‍ പൂരം വരെ ചുമര്‍ചിത്രത്തിലുണ്ട്. കേരളത്തിന്റെ തനത് കലകളായ ഓട്ടംതുളളല്‍, ഒപ്പന, കളംപാട്ട്, ദഫ്മുട്ട്, കൂടിയാട്ടം, തിടമ്പ് നൃത്തം, പുളളുവന്‍ പാട്ട്, തെയ്യം, തിറ, മാര്‍ഗംകളി,…
ഒരേ സമയം ഏറ്റവും കൂടുതല്‍ കടലാസു തോണികള്‍ നിര്‍മിച്ച ഗിന്നസ് ലോക റെക്കോര്‍ഡ് ഇനി കട്ടക്ക് നഗരസഭയ്ക്ക് സ്വന്തം. കട്ടക്കിലെ പ്രസിദ്ധമായ ബാലിയാത്ര ഉത്സവത്തോടനുബന്ധിച്ചു മുനിസിപ്പല്‍ കോര്‍പറേഷന്‍ സംഘടിപ്പിച്ച പരിപാടിയിലാണ് 35 മിനിറ്റില്‍ 22,473 ഒറിഗാമി കടലാസു തോണികള്‍ നിര്‍മിച്ച് റെക്കോര്‍ഡിട്ടത്. ഒഡിഷയിലെ വിവിധ സ്‌കൂളുകളില്‍ നിന്നുള്ള 2121 കുട്ടികള്‍ പതിനൊന്നെണ്ണം വീതം കടലാസു തോണികളാണ് നിര്‍മിച്ചത്. ബാരാബതി ക്രിക്കറ്റ് സ്റ്റേഡിയത്തില്‍ നടന്ന ചടങ്ങില്‍ ഗിന്നസ് റെക്കോര്‍ഡ് അധികൃതര്‍ കട്ടക്ക് മുനിസിപ്പല്‍ കോര്‍പ്പറേഷന്‍ മേയര്‍ സുബാഷ് ചന്ദ്ര സിംഗിന് സാക്ഷ്യപത്രം കൈമാറി.
ടു ക്രീയേറ്റീവ് മൈന്‍ഡ്‌സിന്റെ ബാനറില്‍ വിനോദ് ഉണ്ണിത്താനും,സമീര്‍ സേട്ടുംചേര്‍ന്ന് നിര്‍മ്മിക്കുന്ന ജവാനും മുല്ലപ്പൂവും പ്രദര്‍ശനത്തിന് തയ്യാറാകുന്നു. അടച്ചിടല്‍ കാലത്തിന് ശേഷം ഓരോ വീടും ഒരു ചെറുലോകമായി മാറിയ പശ്ചാത്തലത്തിലാണ് ജവാനും മുല്ലപ്പൂവിന്റെയും കഥ ഇതള്‍വിരിയുന്നത്. കോവിഡാനന്തരം കഷ്ടത്തിലായത് സാങ്കേതിക പരിഞ്ജാനമില്ലാത്ത സാധാരണക്കാരാണ്. സൈബര്‍ ലോകം വെളിച്ചമായി ഒപ്പം നിന്ന് അവരുടെ വഴികളില്‍ ഇരുള്‍ പരത്തിക്കൊണ്ടിരുന്നു. സമാനമായ ജീവിത സാഹചര്യങ്ങളിലൂടെ കടന്ന് പോകുന്ന സ്‌കൂള്‍ അദ്ധ്യാപികയായ ജയശ്രി ടീച്ചറും സൈനിക ജീവിതം പൂര്‍ത്തിയാക്കി നാട്ടില്‍ മടങ്ങിയെത്തിയ ജവാന്‍ ഗിരിധറിന്റെയും കഥ പറയുന്ന ചിത്രം നവാഗതസംവിധായകനായ രഘു മേനോന്‍ അണിയിച്ചൊരുക്കുന്നു. ഇഷ്ടാനിഷ്ടങ്ങളുടെ കാരൃത്തില്‍ ഗിരിധറും ജയശ്രിയും ഇരുധ്രുവങ്ങളില്‍ ആണ്. എങ്കിലും കുടുംബം എന്ന അനിവാരൃതയെ മുറുകേ പിടിച്ച് അവര്‍ ഒത്തുപോകുകയാണ്. ജയശ്രി ടീച്ചറുടെ അതിജീവനത്തിന്റെ കഥ വൃതൃസ്തമായി പറയുന്ന ചിത്രത്തിന്റെ കഥ, തിരക്കഥ, സംഭാഷണം നിര്‍വ്വഹിച്ചിരിക്കുന്നത് സുരേഷ് കൃഷ്ണന്‍ ആണ്. ജയശ്രി ടീച്ചറായി ശിവദയും ഗിരിധറായി സുമേഷ് ചന്ദ്രനും വേഷമിടുന്നു.മറ്റ് അഭിനേതാക്കള്‍: രാഹുല്‍ മാധവ്,ബേബി…
കൊച്ചി: ആഢംബര എസ്യുവി ശ്രേണിയില്‍ മുന്‍നിരയിലുള്ള ജീപ്പ് ഗ്രാന്‍ഡ് ചെറോക്കിയുടെ ഏറ്റവും പുതിയ അഞ്ചാം തലമുറ പതിപ്പ് ഈ മാസം അവസാനത്തോടെ ഇന്ത്യയില്‍ നിരത്തിലിറങ്ങും. പൂനെ രഞ്ജന്‍ഗാവിലെ പ്ലാന്റില്‍ ഉല്‍പ്പാദനം ആരംഭിച്ച പുതിയ ഗ്രാന്‍ഡ് ചെറോക്കിയുടെ പ്രീ ബുക്കിങും ജീപ്പ് ആരംഭിച്ചിട്ടുണ്ട്. ഡീലര്‍ഷിപ്പുകള്‍ വഴിയും വെബ്സൈറ്റിലും ബുക്ക് ചെയ്യാം. ഡെലിവറി ഈ മാസം അവസാനത്തോടെ പ്രതീക്ഷിക്കാം. ജീപ്പ് ഇന്ത്യയില്‍ അവതരിപ്പിക്കുന്ന നാലാമത് ബ്രാന്‍ഡാണ് ആഗോള വിപണിയില്‍ പേരുംപെരുമയുമുള്ള ഗ്രാന്‍ഡ് ചെറോക്കി. അഞ്ചാം തലമുറയിലെത്തുമ്പോള്‍ സാങ്കേതിക വിദ്യയിലും സുരക്ഷയിലും യാത്രാ സുഖത്തിലും സൗകര്യങ്ങളിലുമെല്ലാം ഒട്ടേറെ പുതുമകളുണ്ട്. എയറോഡയനാമിക് ബോഡി സ്‌റ്റൈലും പുതിയ രൂപകല്‍പ്പനയും ഭാവവും വാഹനത്തിന്റെ മൊത്തത്തിലുള്ള പ്രകടനത്തേയും സുരക്ഷയേയും കൂടുതല്‍ മെചച്ചപ്പെടുത്തിയിട്ടുണ്ട്. യാത്രികരുടെ സുരക്ഷ, യാത്രാ സുഖം, സൗകര്യങ്ങള്‍ എന്നിവയ്ക്ക് പരമാവധി പരിഗണന നല്‍കിയാണ് പുതുതലമുറ ഫീച്ചറുകള്‍ ഉള്‍ക്കൊള്ളിച്ചിരിക്കുന്നത്. ആഢംബര എസ്യുവി ഗണത്തില്‍ ഗ്രാന്‍ഡ് ചെറോക്കിയെ വേറിട്ട് നിര്‍ത്തുന്നതും ഇവയാണ്. വളരെ വേറിട്ട ഡ്രൈവിങ്, യാത്രാ അനുഭവമാണ് ഏറ്റവും പുതിയ ഗ്രാന്‍ഡ്…
സാന്റോ അന്തിക്കാട് സംവിധാനം ചെയ്യുന്ന ചോരന്‍ റിലീസിനു തയ്യാറെടുക്കുമ്പോഴാണ് അതിലെ ഗാനം ‘നോക്കല്ലേട്ടോ’ ഇപ്പോള്‍ വൈറലായിരിക്കുന്നത്. കഴിഞ്ഞ ദിവസങ്ങളിലായി 20 ലക്ഷത്തിലതികം പേരാണ് ഗാനം യുട്യൂബില്‍ കണ്ടത്. മലയളാത്തനിമയുള്ള ഗാനങ്ങള്‍ അന്യമാകുമ്പോള്‍ മലയാളികളെ സംബന്ധിച്ചിടത്തോളം ഇന്റിമസിയുടെ ആഴം പ്രതിഫലിപ്പിക്കുന്ന ‘ട്ടോ’ എന്ന രസികന്‍ അക്ഷരത്തിലാണ് പാട്ടിലെ ഓരോ വരിയും അവാസാനിക്കുന്നത്. ലൈഫ് മെഡിക്കല്‍ യൂണിവേഴ്‌സിറ്റി എന്ന കണ്ടുപിടുത്തവുമായി ജനശ്രദ്ധ നേടിയെടുത്ത പ്രവീണ്‍ റാണയാണ് ചോരന്‍ എന്ന് പേരിട്ടിരിക്കുന്ന ഈ സിനിമയുടെ നായകന്‍. സിനോജ് അങ്കമാലിയും രമ്യ പണിക്കരും ചേര്‍ന്നഭിനയിക്കുന്ന സസ്‌പെന്‍സ് ത്രില്ലറാണ് ചോരന്‍. അപ്രതീഷിതമായി ഒരിടത്തു പെട്ടുപോവുകയും കൊടും അനീതിക്ക് ദൃക്സാക്ഷിയാകേണ്ടിയും വരുന്ന ഒരു കള്ളന്റെ കഥയാണ് സിനിമ. കലാഭവന്‍ മണി പാടി പ്രസിദ്ധമാക്കിയ നാടന്‍പാട്ടുകളുടെ രചനയിലൂടെ പേരു കേള്‍പ്പിച്ച ഏങ്ങണ്ടിയൂര്‍ ചന്ദ്രശേഖരനാണ് ഗാനം രചിച്ചിരിക്കുന്നത്. മലയാളികള്‍ക്ക് ഇതുവരെ പരിചയമില്ലാത്ത ഹൃദയാവര്‍ജകമായ അനുനാസിക സ്വരത്തില്‍ നോക്കല്ലേട്ടോ പാടിയിരിക്കുന്നത് പുതുഗായകനായ അന്തോണി ദാസന്‍. https://www.youtube.com/watch?v=iDt9OHTtJdU&t=1s
ഇന്ന് നൂതന സാങ്കേതിക വിദ്യകളാണ് മാഗ്നെറ്റിക് ട്രെയിന്‍ (മാഗ്ലെവ) ഹൈപ്പര്‍ലൂപ്പ്, സ്വയം ചാലിത വാഹനങ്ങള്‍, പറക്കും വാഹനങ്ങള്‍..
ബഹിരാകാശ മേഖലയില്‍ ലോകത്തിലെ മുന്നിര രാജ്യങ്ങളില്‍ ഒന്നാണ് ഇന്ത്യ. മറ്റ് ആരുടെയും സഹായമില്ലാതെ തന്നെ സ്വന്തമായി വികസിപ്പിച്ച സാങ്കേതിക വിദ്യകള്‍ ഉപയോഗിച്ചാണ് ഇന്ത്യയുടെ മുന്നേറ്റം. ഇന്ന് ബഹിരാകാശ മേഖലയില്‍ അത്ഭുതങ്ങല്‍ സൃഷ്ടിക്കുന്ന രാജ്യമായി ഇന്ത്യ കുറഞ്ഞ കാലത്തിനുള്ളില്‍ മാറിയിരിക്കുന്നു. ഇസ്‌റോയുടെ പുതിയ വിക്ഷേപണത്തോടെ ആഗോള വിപണിയില്‍ ഇന്ത്യ ശക്തമായ സാന്നിധ്യമായി മറിക്കഴിഞ്ഞു. ഇന്ത്യ ഇന്ന് വലിയ നേട്ടങ്ങളാണ് നേടുന്നത്. സൗരോര്‍ജ്ജ മേഖലയിലും ബഹിരാകാശ മേഖലയിലും അത്ഭുതങ്ങള്‍ സൃഷ്ടിക്കുകയാണ് ഇന്ത്യ. മുമ്പ് ബഹിരാകാശ മേഖല സര്‍ക്കാര്‍ സംവിധാനത്തില്‍ മാത്രമാണ് ഒതുങ്ങി നിന്നിരുന്നത്. ഇത് ബഹിരാകാശ മേഖലയുടെ വളര്‍ച്ചയെ ബാധിക്കും എന്ന് മനസ്സിലാക്കിയ സര്‍ക്കാര്‍ അത് സ്വകാര്യ മേഖലയിലേക്ക് തുറന്ന് കൊടുത്തിരിക്കുകയാണ്. ഇതിന്റെ ഭലമായി നിരവധി കമ്പനികള്‍ ഇന്ന് ഈ മേഖലയില്‍ ഗവേഷണം നടത്തി വരുന്നു. സ്റ്റാര്‍ട്ടപ്പുകളും മറ്റ് സ്ഥാപനങ്ങളും ഈ മേഖലയില്‍ വലിയ കണ്ടുപിടുത്തങ്ങള്‍ നടത്തിയതായി പ്രധാനമന്ത്രി നരേന്ദ്രമോദി പറഞ്ഞിരുന്നു. പലപ്പോഴും ഇയര്‍ന്ന് കേള്‍ക്കുന്ന ചോദ്യമാണ് ബഹിരാകാശ ഗവേഷണം കൊണ്ട് സാധാരണക്കാരന് എന്ത്…
2035 ഓടെ സ്വന്തമായി ബഹിരാകാശ നിലയം സ്ഥാപിക്കുവാനുള്ള പ്രവര്‍ത്തനങ്ങള്‍ ആരംഭിച്ച് ഇസ്രോ. ഇതിനായി ഭാരമേറിയ പേലോഡുകള്‍ വിക്ഷേപിക്കുവാന്‍ സാധിക്കുന്ന പുനരുപയോഗ റോക്കറ്റ് വികസിപ്പിക്കുവാനുള്ള തയ്യാറെടുപ്പിലാണ് ഇസ്രോ. ഇതിനായി പൊതു സ്വകാര്യ മേഖലയുടെ പിന്തുണ തേടാന്‍ ഇസ്രോ നീക്കം ആരംഭിച്ചു. പൊതു സ്വകാര്യ പങ്കാളിത്തത്തോടെ ഭാരമേറിയ പേലോഡുകള്‍ ഭ്രമണപഥത്തിലെത്തിക്കുവാന്‍ ശേഷിയുള്ള പുനരുപയോഗിക്കാവുന്ന റോക്കറ്റ് ഇസ്രോ വികസിപ്പിക്കും. ഭാവിയില്‍ രാജ്യം ബഹിരാകാശ മേഖലയില്‍ മുന്നേറുന്നതിനും മനുഷ്യനെ ബഹിരാകാശത്ത് എത്തിക്കുന്നുള്ള പേടകങ്ങള്‍, ബഹിരാകാശത്തേക്ക് ചരക്ക് എത്തിക്കുന്നതിനുള്ള ദൗത്യങ്ങള്‍, ഒന്നിലധികം വലിയ ഉപഗ്രഹങ്ങള്‍ ഭ്രമണപഥത്തിലെത്തിക്കുവാന്‍ എല്ലാം ഈ റോക്കറ്റുകള്‍ ഇസ്രോയെ സഹായിക്കും. നെക്‌സ്റ്റ് ജനറേഷന്‍ ലോഞ്ച് വെഹിക്കിള്‍ എന്ന പേരിലാണ് റോക്കറ്റ് നിര്‍മ്മിക്കുക. ജിയോസ്‌റ്റേഷണറി ട്രാന്‍സ്ഫര്‍ ഓര്‍ബിറ്റില്‍ 10ടണ്‍ പേലോഡും, ലോ എര്‍ത്ത് ഓര്‍ബിറ്റില്‍ 20 ടണ്‍ പേലോഡും എത്തിക്കുവാന്‍ സാധിക്കുന്ന റോക്കറ്റാണ് നിര്‍മ്മിക്കുക. ഇന്ത്യയുടെ എക്കാലത്തെയും മികച്ച റോക്കറ്റായ പോളാര്‍ സാറ്റലൈറ്റ് ലോഞ്ച് വെഹിക്കിള്‍ 1980കളില്‍ വികസിപ്പിച്ച സാങ്കേതിക വിദ്യയാണ്. ഭാവിയിലെ ഗവേഷണങ്ങള്‍ക്ക് ഇത് മതിയാകില്ലെന്നാണ്…
സ്ത്രീകളില്‍ ഹൃദ്രോഗ സാധ്യത വര്‍ദ്ധിപ്പിക്കുന്നത് ഒരു പ്രത്യേക ഹോര്‍മോണിന്റെ കുറവാണെന്ന് പഠന റിപ്പോര്‍ട്ടുകള്‍ പുറത്ത്. സാധാരണയായി കൊറോണറി ആര്‍ട്ടറി ഡിസീസ് (സി ഡി എസ്) 65 വയസ്സിന് മുകളില്‍ ഉള്ള സ്ത്രീകളിലാണ് കാണുന്നത്. എന്നാല്‍ ഈ രോഗം വരുന്ന 69 ശതമാനം സ്ത്രീകള്‍ക്കും ഒരു ഹോര്‍മോണിന്റെ അഭാവം കണ്ടെത്തിയിട്ടുണ്ട്. സി ഡി എസ് എന്നാല്‍ ഹൃദയത്തിലേക്കുള്ള രക്തക്കുഴലുകള്‍ ഇടുങ്ങുകയും ഇത് മൂലം കൊഴുപ്പ് രക്തക്കുഴലില്‍ അടിഞ്ഞു കൂടി രക്തപ്രവാഹം തടസ്സപ്പെടുന്ന അവസ്ഥാണ്. സി ഡി എസിന് കൃത്യസമയത്ത് ചികിത്സ നല്‍കിയില്ലെങ്കില്‍ ഹൃദയത്തിനും തലച്ചോറിനും രക്തവും ഓക്‌സിജും ലഭിക്കാതെ ഹൃദ്രോഗമോ, പക്ഷാഘാതമോ ഉണ്ടാകുവാനുള്ള സാധ്യത ഉണ്ടെന്ന് വിദഗ്ധര്‍ പറയുന്നു. സ്ത്രീകളില്‍ ഈസ്ട്രജന്റെ അഭാവം ഉണ്ടെങ്കില്‍ ഈ സി ഡി എസ് വരുവാനുള്ള സാധ്യത കൂടുതലാണ്. ഇത് സംബന്ധിച്ച പഠനം ഗവേഷകര്‍ നടത്തിയത് ആര്‍ത്തവമുള്ള സ്ത്രീകളിലാണ്. സി ഡി എസിന് കൂടുതല്‍ സാധ്യത അണ്ഡാശയത്തിന്റെ പ്രവര്‍ത്തനം ഹോര്‍മോണിന്റെ അഭാവം മുലം തടസ്സപ്പെടുന്നതാണെന്ന് പഠന റിപ്പോര്‍ട്ടില്‍…
നിരവധി കഥകള്‍ക്കും കെട്ടുകഥകള്‍ക്കും ഇതിവ്രത്തമായ കേരളത്തിന്റെ ചരിത്രത്തില്‍ എക്കാലത്തും എടുത്തുപറയേണ്ട ചരിത്ര സംഭവമാണ് മാമാങ്കം. മാമാങ്കം ഇന്നും നമ്മുടെ മനസ്സില്‍ ഒര്‍മ്മ വരുന്നത് സാമൂതിരിയെ കൊല്ലുവാന്‍ എത്തുന്ന ചാവേറുകളുടെ കഥയാകും. എന്നാല്‍ അത് മാത്രമല്ല മാമാങ്കം തമിഴ്‌നാട്ടില്‍ നിന്നും പൊന്നാനി തുറമുഖം വഴി വിദേശത്ത് നിന്നു പോലും കച്ചവട സംഘങ്ങള്‍ മാമാങ്കത്തിനെത്തിയിരുന്നതായി ചരിത്ര രേഖകളില്‍ പറയിന്നു. നദീതാര ഇത്സവമായിരുന്ന മാമാങ്കം ഭാരതപ്പുഴയുടെ തീരത്ത് ഇന്ന് മലപ്പുറം ജില്ലയിലെ തിരൂരിന് ഏഴു കിലോമീറ്റര്‍ അകലെ തിരുനാവായ എന്ന സ്ഥലത്താണ് അരങ്ങേറിയിരുന്നത്.